Jitiqaradaǵy dala órti aýyzdyqtaldy
ASTANA. KAZINFORM — Qostanaı oblysyna qarasty Jitiqara aýdanynda shyqqan dala órti oqshaýlandy. Bul týraly TJM málim etti.
Vedomstvonyń dereginshe, órtti sóndirýge TJM men ózara is-qımyldaǵy qyzmetterdiń 189 adamy jáne 39 birlik tehnıkasy jumyldyrylǵan. Zardap shekkender joq. Órtti tolyq sóndirý jumystary áli de jalǵasyp jatyr.
Eske sala keteıik, shóptiń bıik bolýy men jáne qatty jel órt sóndirýge edáýir qıyndyq týdyrǵany habarlanǵan edi. Jaǵdaı tıisti qyzmetterdiń baqylaýynda boldy.
Al Marqakóldegi órtti sóndirýge 83 adam jáne 2 tikushaq jumyldyrylǵan bolatyn.
Ekologııa mınıstrliginiń málimetinshe, 31 tamyz ben 6 qyrkúıek aralyǵynda Qazaqstannyń memlekettik orman qory aýmaǵynda 12 orman órti tirkeldi. Órtterdiń basym bóligi jedel oqshaýlanyp, sóndirildi.
