Jitiqarada qurǵaq shóp órtenip jatyr
ASTANA. KAZINFORM — Qostanaı oblysyna qarasty Jitiqara aýdanynyń Bolshevık aýyly mańyndaǵy ashyq aýmaqta qurǵaq shóp órtenip jatyr. Bul týraly Tótenshe jaǵdaılar mınıstrligi málim etti.
Mınıstrliktiń dereginshe, órtti sóndirýge 189 adam jáne 39 birlik tehnıka jumyldyryldy. Órtti sóndirýge TJM, «Semser «Órt sóndirýshi» JShS, jergilikti atqarýshy organdardyń, «KM» AQ, PD jáne Orman sharýashylyǵy qyzmetteriniń kúshteri men quraldary tartylǵan.
Órtti sóndirý shóptiń bıik bolýymen jáne qatty jelmen kúrdelene túsken. Qazirgi ýaqytta «112» pýltine zardap shekkender týraly aqparat túsken joq. Jaǵdaı tıisti qyzmetterdiń baqylaýynda.
Aıta keteıik, 31 tamyz ben 6 qyrkúıek aralyǵynda Qazaqstannyń memlekettik orman qory aýmaǵynda 12 orman órti tirkeldi. Órtterdiń basym bóligi jedel oqshaýlanyp, sóndirildi.
