JSN-niń ózi keı jaǵdaıda derbes derekke jatpaıdy - Ekaterına Smyshlıaeva
Búginde ashyq qujattarda derbes derekterdiń berilýi óte kóp kezdesedi. Derbes derekterdiń osynsha jıyntyǵyn jarııalaýǵa bolmaıdy. Bul týraly Májilis depýtaty Ekaterına Smyshlıaeva aıtty, dep habarlaıdy QazAqparat tilshisi.
«Zańda derbes derek degen uǵymnyń ózine anyqtama engizip jatyrmyz. Óıtkeni qazir onyń naqty túsiniktemesi joq. Uǵymnyń bulaısha túsindirilýi normanyń ekiushty ekenin kórsetedi. Bireýler JSN-di derbes derek dese, taǵy bireýler derbes derek emes deıdi. Qazir zań jobasynyń aıasynda sarapshylarmen birge keleshekte osyndaı naqty emes normalardy boldyrmaý baǵytynda jumys istep jatyrmyz.
Jaýapkershilikke kelsek, derbes derekter týraly zańnamany buzǵan kez kelgen tulǵa jaýapkershilik arqalaý kerek. Kez kelgen tizim jarııa túrde jarııalanýy kerek degen talap bar. Biraq onyń ishinde derbes derek bolýy kerek degen talap esh jerde joq», - dedi depýtat.
Májilis ókili atalmysh tizimge engen tulǵalar Qarjy mınıstrligin derbes derekterin jarııalady degen ýájben sotqa bere alatynyn atady.
Onyń sózinshe, qazirgi zańnamada JSN men adamnyń aty-jóni bir jaǵdaıda derbes derek bolyp eseptelse, taǵy bir jaǵdaıda derbes derek bolyp eseptelmeıdi.
«JSN adamnyń aty-jóninsiz berilse, tulǵany anyqtap bere almaıdy. ıAǵnı, halyqaralyq normada mynandaı - derbes derek degen tulǵanyń kim ekenin anyqtap turýy kerek.
JSN sandary aty-jónimen birge berilmese, ıesi kim ekenin tabýǵa kómektese me? Kómektese almaıdy. Memlekettik organ saıttarynyń birinde buryn JSN arqyly adamnyń kim ekenin bilýge bolatyn, keıin ol qyzmetti japty. ıAǵnı, JSN adamnyń atymen birge jarııalansa, ol derbes derek bolyp esepteledi. Tipti adamnyń aty-jóni men ákesiniń aty da derbes derek bolyp sanalady. Qazirgi zańda osyndaı qosar standarttar óte kóp.
Qazir osyndaı derekterdi jarııalaý gıgıenasy da pysyqtaýdy qajet etedi. Búginde ashyq qujattarda derbes derekterdiń berilýi óte kóp kezdesedi. Mysaly, sot sheshimderinde derbes derekter bar. Olar ashyq jarııalanyp júr. Bul – talap jáne durys. Biraq onyń ishindegi keıbir derbes derekterdi jasyrý jaǵyn oılastyrý kerek. Derbes derekterdiń osynsha jıyntyǵyn jarııalaýǵa bolmaıdy», - dedi Ekaterına Smyshlıaeva.
