JSN alý reseılikterge qandaı múmkindik beredi
QR Tsıfrlyq damý, ınnovatsııalar jáne aeroǵarysh ónerkásibi mınıstrligi memlekettik qyzmetter komıtetiniń tóraǵasy Dáýlet Bekmanovtyń aıtýynsha, reseılikterdiń kóbi halyqqa qyzmet kórsetý ortalyqtarynda bank shottaryn ashý úshin JSN alý kezeginde tur.
«JSN eki másele úshin beriledi. Kóbinese sheteldikter bank shotyn ashý úshin JSN rásimdeıdi. Meniń oıymsha ol azamattardyń bári shot ashý úshin JSN rásimdep jatyr.
JSN bir ret beriledi. Kelgen saıyn rásimdeýge mindetti emes. Bul bizge de yńǵaıly. ıAǵnı bir sheteldik qaıta kelgende JSN arqyly kórip otyramyz», - dedi Dáýlet Bekmanov.
Al QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń vıtse-mınıstri Áset Turysovtyń aıtýynsha, JSN-i bar sheteldikterdi ákimshilik jaýapkershilikke tartý protsesi jeńilirek júredi.
«Qosa ketkim keledi, sheteldikter quqyqtyq aıasynda bolýy úshin ákimshilik jaýapkershilikke tartýy úshin de JSN qajet. Osyny da eskerý kerek», - dedi mınıstrdiń orynbasary.
Sondaı-aq ol áskerden qashqan reseılikterdiń halyqqa qyzmet kórsetý ortalyqtaryndaǵy áreketi týraly málimet berdi.
«Qazirgi tańda qandaı da bir janjal shyǵarý faktileri tirkelgen joq. Ondaı bolmaıdy dep úmittenemin», - dedi ol.
