JSN alý men azamattyq alýdyń aıyrmashylyǵy nede
«JSN alý men azamattyq alýdyń aıyrmashylyǵy qandaı degen suraq bizge jıi qoıylady. Jeke sáıkestendirý nómiri - QR azamattaryna týǵan kezde beriletin 12 tsıfrdan turatyn biregeı sandar kombınatsııasy. Al sheteldik azamattar JSN alý úshin HQO-ǵa júginýi tıis. Bul rette kez kelgen shet memleket azamaty JSN-di kásipkerlik qyzmetpen aınalysý úshin jáne qarjylyq operatsııalardy oryndaý úshin ala alady. JSN alý men azamattyq alý - ekeýi eki bólek nárse», - dep habarlady fılıal mamandary.
Qazaqstan Respýblıkasy azamattyǵyn QR aýmaǵynda keminde 5 jyl turaqty turatyndar, elde keminde úsh jyl turatyn QR azamatymen nekeleskender jáne el aýmaǵynda turatyn jaqyn týystary bar adamdar ala alady.
Al Qazaqstan aýmaǵynda turaqty turatyn qandastarǵa, memlekettegi joǵary oqý oryndarynda oqıtyn etnıkalyq qazaqtarǵa azamattyqty jeńildetilgen tártippen alýǵa múmkindik bar.