JShS qyzmetkerleri jún urlaımyz dep júnjip qalýy múmkin
ASTANA. 14 qarasha. QazAqparat - Jaýapkershiligi shekteýli seriktestiktiń qyzmetkerleri ózderi nápaqa taýyp otyrǵan mekemesinen bir tonnadan astam jún urlaǵan.
QR ІІM málimetterine qaraǵanda, Taraz qalasynyń polıtsııasyna jún óńdeýmen aınalysatyn fırma dırektorynyń orynbasary habarlasyp, belgisiz bireýler seriktestik aýmaǵynan 1050 keli júnniń urlap áketkendigin habarlaǵan. Jábirlenýshiniń aıtýy boıynsha ishteı júrgizilgen ınventarızatsııa kezinde bir myńnan astam jýylmaǵan jún úıindisiniń kem ekendigi anyqtaldy. Fırmaǵa keltirilgen materıaldyq zalaldyń jalpy somasy 37 mln. teńgeni qurap otyr.
Jedel-izdestirý is-sharalarynyń nátıjesinde buryn sol jerde kúzetshilik qyzmette istep ketken kisi men atalǵan seriktestiktiń eki qyzmetkeri uıymdasyp alyp shıkizatty jymqyryp otyrǵandyǵy belgili boldy. Tergeý barysynda eki qyzmetker júk kóligin fırma aýmaǵyna esh kedergisiz ótkizip, jún saqtaý qoımasyndaǵy jymqyrý jumysy úshinshi sybaılasynyń quzyrynda bolǵandyǵy anyqtaldy. Atalǵan uıymdasqan qylmys birneshe ret qaıtalanyp otyrǵan.
Qazirgi ýaqytta quryqtalǵan eki azamat ýaqytsha ustaý abaqtysyna qamaýǵa alyndy. Tyqyrdyń taıanǵanyn sezgen úshinshi sybaılas tergeý organdarynan jasyrynyp júr. Burynǵy kúzetshini qolǵa túsirý sharalary júrgizilýde.
Ustalǵandar urlyq faktisi boıynsha QR qylmystyq kodesiniń 175 baby 4 tarmaǵyna sáıkes múlki tárkilenip, bes jyldan on jylǵa deıin bas bostandyǵynan aıyrý jazasyna kesilýi yqtımal.
