JRVI juqtyrǵan júkti áıel ýaqytynan buryn bosanyp, nárestege ota jasaldy
ALMATY. QazAqparat- Jiti respıratorlyq vırýstyq ınfektsııamen aýrýhanaǵa túsken júkti áıel ýaqytynan buryn bosandy, dep habarlaıdy QazAqparat tilshisi.
Almatydaǵy №1 qalalyq klınıkalyq aýrýhanasynyń baspasóz qyzmeti málim etkendeı, emdeý mekemesiniń ınfektsııalyq bólimshesine jedel járdem kóligimen jedel respıratorly vırýsty ınfektsııa belgilerimen aıaǵy aýyr kelinshek kelip tústi. «JRVI-men túsken 22 jastaǵy kelinshektiń eki kúnen keıin tolǵaǵy kelip, júktiliktiń 34 aptasynda kesar tiligimen bosandy.
Aıta keteıik, uryq jambaspen keldi jáne uryqtyń qursaq ishilik damý aqaýy boldy. Dárigerlerdiń arqasynda dúnıege salmaǵy 2400 gr, boıy 46sm qyz bala keldi».- dep habarlady aýrýhanadan. Keıin náresteni neonatolog dárigerler dereý óz baqylaýlaryna alyp, náresteni neonataldy hırýrg keńesinen keıin, Balalar hırýrgııasy aýrýhanasyna ota jasaý úshin aýystyrdy.
Jańa týǵan sábıdiń qursaqishilik damý aqaýyna( gastroshızıs) neonataldy hırýrgtarmen bir etapty aldyńǵy qursaq qabyrǵasynyń plastıkalyq otasy jasaldy.
Qazir náresteniń jaǵdaıy birqalypty. nasynyń bosanǵannan (otamen) keıingi kezeńi asqynýsyz ótip, 5-shi táýlikte úıine shyǵaryldy.
