JRVI: Júkti áıelderge kómek kórsetý úshin óńirlerge dárigerler jiberildi
ASTANA. KAZINFORM — Densaýlyq saqtaý mınıstrligi JRVI kezeńinde júkti áıelderge medıtsınalyq kómekti kúsheıtedi.
Mınıstrlik JRVI jáne pnevmonııa jaǵdaılarynyń ósýi aıasynda júkti áıelder men bosanǵan áıelderge sapaly jáne ýaqtyly medıtsınalyq kómek kórsetý úshin qosymsha sharalar qabyldanyp jatyr.
— Óńirlerge pýlmonologtar, ınfektsıonıster, reanımatologtar jáne medıtsınalyq joǵary oqý oryndary men respýblıkalyq klınıkalardyń akýsher-gınekologtary kiretin kópbeıindi kóshpeli komandalar jiberildi. Jumystyń basty maqsaty — medıtsınalyq kómektiń sapasyn arttyrý, óńirlik mamandardy ádistemelik qoldaý jáne densaýlyq saqtaýdyń respýblıkalyq jáne jergilikti deńgeıleri arasyndaǵy ózara is-qımyldy nyǵaıtý, — delingen habarlamada.
Sapar barysynda mamandar:
- 1000-nan astam medıtsına qyzmetkerlerine konsýltatsııa berý jáne oqytý júrgizildi;
- olar klınıkalyq jaǵdaılardy taldap vırýstyq ınfektsııalar men asqynýlary bar pptsıentterdi basqarý tásilderin naqtylady;
- patsıentterdiń marshrýttalýy men uıymdastyrýshylyq protsesterin baǵalady;
- aýyr jaǵdaılardy emdeýde praktıkalyq kómek kórsetildi.
Júkti áıelderdiń jaǵdaıyna erekshe nazar aýdarylady. Shyǵý qorytyndysy boıynsha 2000 júkti áıelge, onyń ishinde aýyr patsıentterge medıtsınalyq kómek kórsetildi, onda beıindi mamandardyń qatysýymen terapııa men konsılıýmdarǵa túzetý júrgizildi.
Densaýlyq saqtaý mınıstrligi epıdemıologııalyq jaǵdaıdy baqylaýdy jalǵastyrýda jáne bolashaq analar men jańa týǵan nárestelerdiń densaýlyǵyn qorǵaý úshin barlyq qajetti sharalardy qabyldap jatyr.
Budan buryn Qaraǵandy oblysynda JRVI boıynsha syrqattanýshylyq deńgeıi maýsym bastalǵaly 111 myńnan asqanyn jazdyq.