JRVI jáne gonkong tumaýy: Almatyda epıdemıologııalyq jaǵdaı qalaı

ALMATY. KAZINFORM — Almaty qalasynyń sanıtarııalyq-epıdemıologııalyq baqylaý departamentiniń basshysy Qasymhan Alpysbaıuly JRVI, tumaý aýrýlary boıynsha maýsymdyq ósim bar ekenin aıtty. 

Onyń sózinshe, ótken apta JRVI-diń 32456 jaǵdaıy tirkelgen. Bul oǵan deıingi aptadaǵy kórsetkishten 17,6%-ǵa joǵary (27582 jaǵdaı). Al byltyr osy ýaqytta kórsetkish 37,2%-ǵa tómen bolǵan, jalpy 23086 jaǵdaı.

— Qalanyń 178 mektebinde oqýshylar arasynda 10,0%-ǵa deıingi JRVI juqtyrýdyń 1930 jaǵdaıy tirkeldi, — dedi ol.

Qasymhan Alpysbaıuly qalada A/H3N2 tıpti (gonkong) tumaý vırýsy, sondaı-aq rınovırýs, paragrıpp, adenovırýs, koronavırýs syndy JRVI vırýstary aınalymda bar ekenin rastady. Qazirgi deıin gonkong tumaýynyń 52 rastalǵan jaǵdaıy tirkelgen.

— Qala boıynsha tumaýǵa qarsy 254 115 adam vaktsına saldy, bul megapolıs halqynyń 10,8%-y. Onyń ishinde 250 myń adam «táýekel tobyndaǵy» adamdar. Olardy vaktsınatsııalaý bıyl 13 qarashada aıaqtaldy, — dedi ol.

Eske salaıyq, buǵan deıin Densaýlyq saqtaý mınıstrligi el arasynda «gonkong tumaýy» dep atalyp ketken vırýsqa qatysty túsinikteme berdi.