JRVI órship tur - Bas sanıtarııalyq dáriger

ASTANA. QazAqparat – Elimizde apta saıyn JRVI-diń 160 myń jaǵdaıy tirkelip otyr. Bul týraly Densaýlyq saqtaý vıtse-mınıstri – Bas memlekettik sanıtarııalyq dáriger Aıjan Emaǵambetova aıtty, dep habarlaıdy QazAqparat tilshisi.

«Qazirgi ýaqytta JRVI (jiti respıratorlyq vırýstyq ınfektsııa) jáne tumaýdyń maýsymdyq kóterilýi jalǵasýda. Epıdemııalyq maýsym bastalǵaly beri JRVI-diń 3,8 mln jaǵdaıy jáne tumaýdyń 3 234 jaǵdaıy tirkeldi», - dedi Aıjan Esmaǵambetova Ortalyq saılaý komıssııasynyń otyrysynda.

Onyń atap ótýinshe, apta saıyn ortasha eseppen JRVI-diń 160 000 jaǵdaıy tirkelýde.

«Baıqap otyrǵanyńyzdaı, aqpan aıynda aýrý tómendegen joq, ótken jyldyń osyǵan uqsas kezeńimen salystyrǵanda aýrý 30 paıyzǵa artty. Respýblıkadaǵy epıdemıologııalyq jaǵdaı boljamyna sáıkes JRVI-men aýyrý sáýirdiń aıaǵyna deıin artady jáne keıin azaıady», - dedi vıtse-mınıstr.

Buǵan deıin A.Esmaǵambetova 19 naýryzda ótetin Májilis saılaýyna maska kıip barýdy usynǵan bolatyn.