JRVI men metapnevmovırýs: Almatydaǵy epıdemıologııalyq jaǵdaı qalaı

ALMATY. KAZINFORM – Almatyda ótken aptada tumaý juqtyrǵandardyń sany artqan.

Almaty qalasynyń sanıtarııalyq-epıdemıologııalyq baqylaý departamentiniń málimetine sáıkes, ótken aptada JRVI, tumaý aýrýlarynyń 17 578 jaǵdaıy tirkelgen. Bul aldyńǵy aptamen salystyrǵanda 2,7 paıyzǵa (17 094 jaǵdaı) joǵary, alaıda ótken jyldyń osy kezeńimen salystyrǵanda 1,7 ese (29 921 jaǵdaı) tómen. Aýrýdyń 62,7%-y (186 734 jaǵdaı) balalardy qamtıdy. 

- Zerthanalyq monıtorıng nátıjeleri boıynsha qalada tumaýǵa jatpaıtyn basqa JRVI vırýstary anyqtaldy: rınovırýs - 16, paragrıpp - 3, RS - 12, adenovırýs - 1, bokavırýs - 1. Metapnevmovırýs tirkelgen joq, - dedi megapolıstiń bas sanıtarlyq dárigeri Qasymhan Alpysbaıuly.

Eske salaıyq, buǵan deıin A gepatıti 70 paıyz turmystyq jaǵdaıda juǵatynyn jazǵanbyz.