JRVI-men aýyrǵandardyń 50%-ǵa jýyǵy balalar – Densaýlyq saqtaý mınıstri
«Qazirgi ýaqytta búkil respýblıka boıynsha A tumaýy vırýsynyń aınalymy baıqalady. Laboratorııalyq deńgeıde barlyǵy 500-den astam tumaý jaǵdaıy anyqtaldy.
2019 jylǵy epıdemıologııalyq maýsymmen salystyrǵanda syrqattaný 1,2 esege ósti. Sońǵy aptada syrqattanýdyń joǵary deńgeıi saqtalyp, balalar arasynda 13% ósti», - dedi ol.
Aıtýynsha, oflaın oqytýǵa kóshken balalardyń KVI jáne JRVI-men syrqattanýdyń joǵary qaýpi saqtalyp otyr.
«JRVI-men aýyrǵandardyń 50%-ǵa jýyǵy balalar ekenin eskere otyryp, aýmaqtardyń ákimderi tárbıe jáne bilim berý uıymdarynda profılaktıkalyq sharalardyń saqtalýyna jáne ýaqtyly medıtsınalyq kómek kórsetýge nazar aýdarýy qajet.
KVI boıynsha epıdemıologııalyq jaǵdaı Mınıstrliktiń turaqty baqylaýynda. Eldegi epıdemıologııalyq jaǵdaıdy turaqtandyrý úshin vaktsınatsııalaýdy, revaktsınatsııalaýdy jáne maska taǵý, áleýmettik qashyqtyqty saqtaý, halyq kóp jınalatyn oryndarǵa barýdy boldyrmaý sııaqty profılaktıkalyq sharalardy saqtaýdy jalǵastyrý qajet.
Árqaısymyzdyń osy sharalardy oryndaýǵa degen umtylysymyz bárimizge aýrýdyń damýyn basqarýǵa jáne pessımıstik stsenarııdiń oryndalýyna jol bermeýge múmkindik beredi», - dedi Ajar Ǵınııat.