JRVI-dan saqtaný úshin ne isteý qajet

Astana qalasynyń bas sanıtar dárigeri Sarhat Beısenovanyń aıtýynsha, osy jyldyń alǵashqy segiz aıynda ótken jyldyń sáıkes kezeńimen salystyrǵanda syrqattanýshylyq 37 esege tómendegen (109 674 jaǵdaıdan 2 970 jaǵdaıǵa deıin).

«Bıyl tamyz aıynda ótken jyldyń sáıkes kezeńimen salystyrǵanda syrqattanýshylyq 92 esege (9162 jaǵdaıdan 99 jaǵdaıǵa deıin), osy jyldyń shilde aıymen salystyrǵanda bir ese (103 jaǵdaıdan 99 jaǵdaıǵa deıin) tómendedi. Osy jyldyń tamyz aıynyń sońǵy aptasynda (25-31 tamyz aralyǵynda) ótken jyldyń sáıkes kezeńimen salystyrǵanda syrqattanýshylyq 22 esege (516-dan 23 jaǵdaıǵa deıin), aldyńǵy aptamen (18-24 tamyz) salystyrǵanda syrqattanýshylyq 1,2 ese (28-den 23 jaǵdaıǵa deıin) tómendedi», - deıdi ol.

Aıta keteıik, SARS-CoV-2 vırýsyna qatysty epıdemıologııalyq monıtorıng júrgizilip, genomdyq sekvenırleý ádisimen genetıkalyq sıpattama boıynsha zertteý júrgizilip jatyr.

Búginde Qazaqstan aýmaǵynda aınalatyn SARS-CoV-2 (omıkron) vırýsynyń 15 genetıkalyq jelisi anyqtaldy. Júrgizilgen sońǵy zertteýler barysynda Qazaqstan úshin jańa sýbgenetıkalyq jeli tabylǵan joq.

Elordada 2023 jyldyń alǵashqy segiz aıynda JRVI aýrýynyń 232 494 jaǵdaıy tirkeldi, onyń ishinde 14 jasqa deıingi balalarda 132 771 jaǵdaı anyqtalǵan. Ótken jyldyń sáıkes kezeńimen salystyrǵanda syrqattanýshylyqtyń 2 ese nemese 49% - ǵa artqany baıqaldy.

Osy jyldyń tamyz aıynda syrqattanýshylyq (11124 j) ótken 2022 jyldyń tamyz aıymen salystyrǵanda (7833 j) 23% - ǵa ósti.

Osyǵan baılanysty, Astana qalasynyń Sanıtarııalyq-epıdemıologııalyq baqylaý departamenti JRVI-men syrqattanǵandardyń artqanyn eskere otyryp, turǵyndarǵa spetsıfıkalyq emes profılaktıkanyń jalpy sharalaryn saqtaýdy usynady:

- JRVI-men aýyratyn naýqastarmen baılanysta bolýdan aýlaq bolyńyz, eger baılanys bolǵan jaǵdaıda siz maska kııýińiz bolýyńyz kerek;

- aýyryp qalǵan jaǵdaıda úıde bolyńyz. Ózin-ózi emdeýmen aınalyspańyz, medıtsına qyzmetkerin shaqyryńyz, otbasy arasynda nemese qoǵamdyq jerlerde maska taǵyńyz jáne dárigerdiń nusqaýy boıynsha em alý qajet;

- túshkirý jáne jótelý kezinde aýzyńyzdy maılyqpen, oramalmen jaýyp, qolyńyzdy múmkindiginshe jıi jýyńyz;

- ımmýndyq júıeni kóterińiz: dárigerdiń usynysy boıynsha S dárýmeni men basqa quraldardy qoldanyńyz;

- qashyqtyqty saqtaý, múmkindiginshe buqaralyq is-sharalarǵa qatysýdy qysqartý, al aýrý belgileri bar adamdarǵa úıde bolyp, dárigerdiń nusqaýy boıynsha em alý qajet;

- bólmelerdi jıi jeldetińiz;

- aýyryp qalǵan balalardy mektepter men mektepke deıingi balalar mekemelerine jibermeý;