JRVI belgisi baıqalǵanda ne isteý kerek – maman keńesi

NUR-SULTAN. QazAqparat – Nur-Sultan qalasynyń Qoǵamdyq densaýlyq saqtaý basqarmasy basshysy Tımýr Muratov jedel respıratorly vırýsty ınfektsııa (JRVI) belgileri baıqalǵan jaǵdaıda ne isteý kerektigin túsindirdi, dep habarlaıdy QazAqparat tilshisi.

Onyń aıtýynsha, qala statsıonarlarynda 204 naýqas em alýda. 560 tósek-oryn daıyndalyp, onyń 38 paıyzynda naýqastar jatyr.

«Jalpy ambýlatorııalarymyzda qazir 705 naýqas em alyp jatyr. ıAǵnı qaladaǵy mobıldi brıgadalarymyz jeńil sımptommen nemese múldem sımptomsyz naýqastardyń úılerine dári-dármek aparyp beredi. Eger naýqastyń densaýlyq jaǵdaıy nasharlap, 103-ke nemese óz aýmaǵyndaǵy emhanaǵa habarlassa, naýqasqa mobıldi brıgada jiberiledi. ıAǵnı dáriger men medbıke turǵynnyń úıine kelip, analız alady jáne dıagnozy anyqtalsa, qajetti dári-dármekti ákep beredi», - dedi T. Muratov Nur-Sultan ákimdiginde ótken brıfıngte.

Dárigerdiń aıtýynsha, qaladaǵy negizgi salmaq ambýlatorııalyq emhana júıesine túsip otyr.

«Qazir ár emhanada eki-úsh fıltr-kabınet ashylǵan, bul kabınetter JRVI belgileri baıqalǵan naýqastardyń ózi kelip qaralýy úshin qajet. Ondaı naýqastar bólek esikten kiredi jáne sol fıltr-kabınette dene qyzýy ólshenip, PTR analız tapsyra alady», - dep túsindirdi Tımýr Muratov.