JPK 20 qarasha jol-kólik oqıǵasy qurbandaryn eske alý kúni avtokólik júrgizýshilerin kólikteriniń jaryǵyn qosyp júrýge shaqyrady
ASTANA. 12 qarasha. QazAqparat - Qazaqstan Respýblıkasy ІІM-niń Jol polıtsııasy komıteti barlyq júrgizýshilerge 20 qarashada jol-kólik oqıǵasy qurbandaryn eske alý kúni aıasynda yntymaqtastyqty jáne qoldaý belgisi retinde avtokólikter farynyń jaqyn jaryǵyn qosyp, túste (jergilikti ýaqyt boıynsha saǵat 12:00-de) avtomobıldiń dybys berý sıgnalyn basýǵa shaqyrady.
Jol polıtsııasy komıtetiniń málimetine qaraǵanda, joldaǵy oqıǵalar jyl saıyn álemde mıllıondaǵan adamdardy óltiredi jáne múgedek etedi. Qazaqstanda jyl saıyn 3 myńnan astam adam qaza bolady, taǵy da 14 myńy jaraqattanady.
Esterińizge sala keteıik, 20 qarasha Dúnıejúzilik jol-kólik oqıǵasy (JKO) qurbandaryn eske alý kúni retinde atalyp ótedi. Jyl saıyn Qazaqstanda jáne álemde BUU Rezolıýtsııasyna sáıkes qarashanyń úshinshi demalys kúni - Dúnıejúzilik JKO qurbandaryn eske alý kúni retinde belgilenedi.
