Joze Moýrıno «Realdan» ketedi
ASTANA. 21 aqpan. QazAqparat - «Realdyń» bas bapkeri Joze Moýrıno bıyl jazda komandadan ketedi. Klýb prezıdenti Florentıno Peres Moýrınomen kelisimdi buzý týraly kelisti. Bul týraly ıspanııalyq Sport.es basylymyna silteme jasap «Alaman» sport portaly habarlaıdy.
Moýrıno komandadan bıyl 30 maýsymda ketedi. Al jalpy, kelisim boıynsha ol «Realdy» 2016 jylǵa deıin jattyqtyrý kerek. Kelisimdi ýaqytynan buryn buzǵany úshin Peres Jozege 10 mıllıon eýro tóleıdi. Komanda basyshysy men Moýrıno arasynda kelispeýshilik te bar sııaqty. Peres «Moýrıno» Tsıýrıhte ótken «Altyn dop» tapsyrý rásimine barmaı komanda bedeline nuqsan keltirdi» degen pikir bildirdi. Joze aldaǵy ýaqytta PSJ komandasyn baptaýy múmkin.
