«Joıylý qaýpindegi túrki tilderi» kóptomdyǵy jaryq kórdi
ASTANA. QazAqparat - Búgin elordada Túrki akademııasy halyqaralyq uıymynyń qoldaýymen jaryq kórgen «Joıylý qaýpindegi túrki tilderi» atty kóptomdyq eńbektiń tanystyrylymy ótti, dep habarlaıdy QazAqparat.
«Bul joıylyp bara jatqan tilderdi saqtaý úshin jasalǵan óte úlken eńbek dep esepteımiz. Sol arqyly biz tek qana qazaq tiliniń, túrik tiliniń ǵana emes shor, sary uıǵyr, altaı nemese Kavzkazdaǵy, Sibirdegi, Irandaǵy, Qytaıdaǵy, jalpy jer júzinde tarydaı shashyrap júrgen azǵantaı top ókilderiniń tilderin qamqorlyqqa alyp otyrmyz. Sondyqtan bul eńbek kezindegi Qashqarıdiń eńbeginen keıingi úlken jumys dep esepteımin. Óıtkeni, bulardyń barlyǵy sandyqqa salyndy, qorǵaýǵa alyndy, hatqa tústi», - dedi kitaptyń tanystyrylymynda sóz alǵan Túrki akademııasynyń prezıdenti, «Egemen Qazaqstan» respbýlıkalyq gazetiniń basqarma tóraǵasy Darhan Qydyráli.
Sonymen qatar shara barysynda sóz sóılegen Qoja Ahmet ıAssaýı atyndaǵy Qazaq-túrik ýnıversıteti Ókiletti keńesiniń tóraǵasy, professor Musa Iyldyz Qazaqstannyń túrki áleminiń irgeli memleketine aınalýyna aıryqsha úles qosyp kele jatqan Elbasy Nursultan Nazarabaevqa alǵysyn bildirdi.
«Joıylý qaýpindegi túrki tilderi» eńbegi 2011 jyly bizdiń ýnıversıtette bastaý alǵan edi. Endi mine kitap bolyp shyǵyp otyr. Joıylý qaýpindegi túrli tilderdiń atlasy da jasaldy. Amerıka, Germanııa, Reseı, Ýkraına, Ázerbaıjan, Túrkııa, Rýmynııa, Qazaqstan ǵalymdary bul eńbektiń jaryq kórýine súbeli úles qosty. Onda aǵylshyn, túrik, oryssha, qazaqsha jáne basqa da túrki tilderindegi maqalalar qamtylǵan», - dedi Musa Iyldyz.
Bul eńbek túrkııalyq ǵalym Sýer Ekerdiń ǵylymı jetekshiligimen jaryq kórip otyr. Sondyqtan shara barysynda ol da sóz sóılep, jobaǵa álemniń 26 elinen 130 ǵalymnyń qatysqandyǵyn, barlyǵy 132 zertteý toptastyrylǵandyǵyn atap ótti.
Aıta keterligi, shara aıasynda Darhan Qydyráli Qoja Ahmet ıAssaýı atyndaǵy Qazaq-túrik ýnıversıteti Ókiletti keńesiniń tóraǵasy, professor Musa Iyldyz ben túrkııalyq ǵalym Sýer Ekerdi «Túrki dúnıesiniń yqpaldastyǵy men damýyna jáne túrkitanýlyq zertteýlerge qoldaý kórsetkeni úshin» akademııanyń qurmet gramotasymen marapattady.
