Joıǵysh ushaq B.Obama rezıdentsııasynyń áýe keńistiginde ushyp bara jatqan belgisiz ushaqty quryqtady
ASTANA. 3 shilde. QazAqparat - AQSh Prezıdenti Barak Obamanyń Kemp-Devıdtegi rezıdentsııasynyń ústindegi ushýǵa tyıym salynǵan áýe keńistigine belgisiz bir ushaq kirip ketti.
AQSh áskerı qolbasshylyǵynan habarlaǵandaı, álgi ushaqty jerge qondyrý úshin aspanǵa eki Ǵ-15 joıýshy ushaǵy kóterildi, dep habarlaıdy RBK agenttigi.
Derekkózdiń habarlaýynsha, álgi eki oryndyq ushaq eshqandaı baılanysqa shyqpaǵanymen qoımaı, Obamanyń rezıdentsııasyna 10 shaqyrymdaı qashyqtyqqa jaqyndaǵan. Áskerılerdiń aıtýynsha, ushaq Merılend shtatyndaǵy Hedjerstoýn aerodromyna qondyrylǵan. Oqıǵanyń sebebi men ushqyshtyń aty-jóni týraly ázirge eshteńe aıtylǵan joq.
Osyndaı oqıǵa Obama rezıdentsııasynyń ústindegi áýe keńistiginde 12 maýsymda da bolǵan edi. Ol ushaq ta áskerı ushaqtardyń konvoıymen jerge qondyryldy.
Esterińizge sala keteıik, 2001 jylǵy 11 qyrkúıektegi oqıǵadan keıin ushaqtardyń AQSh-tyń úkimettik ǵımarattaryna jaqyn ushýy qaýip retinde qarastyrylady.
