Jótelden kúnbaǵys maıynyń kómegimen qalaı qutylýǵa bolady?
ASTANA. QazAqparat - Kúnbaǵys maıynyń paıdasy mol, dep jazady «Massaget» portaly. Onyń, tek jótel ǵana emes, birqatar dertke shıpaly ekenin oqyrman nazaryna usynamyz.
Artroz
Artroz asqynyp, tize býyndary qatty aýyrsa, kúnbaǵys maıyn paıdalanǵan jón. Ol úshin baldyr untaǵynyń bir bóligin kúnbaǵys maıymen jaqsylap aralastyryp, daıyn bolǵan soń aýyrǵan jerge jaǵyńyz. Sodan keıin ústin jyly matamen oraý kerek. Bul ádisti aýyrsynýdy basatyn dári ornyna qoldanýǵa bolady.
Tamaǵyńyz aýyrsa
Aloe shyryny men kúnbaǵys maıyn birdeı kólemde alyp aralastyryńyz. Daıyn qospamen tamaǵyńyzdy shaıyńyz. Al eger tonzıllıt, larıngıt sekildi kúrdeli tamaq aýrýlaryna tap bolsańyz, onda tazartylmaǵan kúnbaǵys maıyn sarymsaq sólimen aralastyryp, ıngalıatsııa jasańyz.
Jótel
Jótelińiz toqtamasa, musatyrly spırt pen kúnbaǵys maıyn 2:1 qatynasyndaı etip aralastyryp, daıyn qospamen kókiregińizdi súrtińiz.
Mastıt
Kishigirim ydysqa lalagúl men kúnbaǵys maıyn salyp, jaqsylap aralastyryńyz, shamamen 10 mınýt sý jylytqyshqa qoıyp qaınatyńyz. Sýyǵan soń tunbany alyp, keýdege jeńil massaj jasańyz.
Aıaqtaǵy qan aınalym buzylsa
Mundaı jaǵdaıda lavr japyraqtarynan maıly tunba daıyndaý qajet. Ol úshin 2/3 staqan untaqtalǵan lavr japyraǵyna bir staqan kúnbaǵys maıyn qosyp, qarańǵy jerde 6 kún ustańyz. Sodan soń jyly vanna daıyndap, aıaqǵyńyzdy osy maıly tunbamen súrtińiz.
Tabanda oıylǵan syzattar paıda bolsa
Kúnbaǵys maıyn sý jylytqyshqa salyp qaınatyńyz. Qaınatyp alǵan soń sýyǵanyn kútińiz. Daıyn bolǵannan keıin osy maıdyń kómegimen tabandaǵy, ókshedegi oıylǵan syzattardan arylasyz.
