Josyqsyz kásipkerler moratorııdi paıdalanyp, salyq tóleýden jaltardy - mınıstr

NUR-SULTAN. QazAqparat – Josyqsyz kásipkerler tekserýlerge 3 jyldyq moratorııdi salyqtan jaltarý múmkindigi retinde qabyldady. Bul týraly búgin Úkimet otyrysynda QR Qarjy mınıstri Erulan Jamaýbaev jasady, dep habarlaıdy QazAqparat tilshisi.

«2020 jyldan bastap engizilgen tekserýlerge 3 jyldyq moratorıı kassalyq tártipti tómendetti. Josyqsyz kásipkerler bul bastamany salyqtan jazasyz jaltarý múmkindigi retinde qabyldady», - dedi mınıstr.

Onyń dereginshe, tek ótken jyldyń ózinde «Azamattyq baqylaý - chekti talap et» jobasy aıasynda Memlekettik kirister komıtetine zań buzýshylyqtar týraly beıne-tirkeýmen 16,5 myń habarlama kelip túsken.

«Osyǵan baılanysty biz moratorıı týraly Jarlyqqa azamattardyń shaǵymdary men josyqsyz sýbektiler boıynsha tekserýlerge ony qoldanbaý bóliginde túzetýler engizýge bastamashylyq jasadyq»,- dedi Erulan Jamaýbaev.