Josparymyz ózgergen joq - pleı-off synyna ótý jáne qalǵan jekpe-jekterde jeńiske jetý - «Astana arlandary»
ASTANA. 8 jeltoqsan. QazAqparat /Jasulan Amanbaıuly/ - Erteń Astanadaǵy «Dáýlet» sport kesheninde Búkilálemdik boks serııasynyń (WSB) nusqasy boıynsha kezekti match ótedi.
9 jeltoqsanda Qazaqstannyń kásipqoı boks quramasy dep tanylǵan «Astana arlandary» kásipqoı boksshylar klýby Reseıdiń «Máskeý Dınamo» komandasymen qolǵap túıistiredi.
Soǵan oraı, búgin eki komandanyń boksshylary match aldyndaǵy salmaq ólsheý rásimin jasady. Erteńgi kezdesýde el namysyn Rafıkjon Sultonov, Mereı Aqshalov, Qanat Islam, Danııar Ústembaev jáne Rýslan Myrsataev qorǵaıdy.
«Astana arlandary» klýbynyń bas bapkeri Beıbit Esjanovtyń aıtýynsha, komanda aldaǵy jekpe-jekke tolyǵymen daıyn.
«Sońǵy eki kezdesý biz úshin sátsiz ótti. Árıne ol jekpe-jekterden tıisti nátıjeler shyǵardyq. Endi bizdiń aldymyzda máskeýlik komanda tur. Basty josparymyz ózgergen joq - pleı-off synyna ótý jáne onda ótetin qalǵan matchtarda jeńiske jetý. Bizdi erteńgi jekpe-jekti sanamaǵanda taǵy 7 kezdesý kútip tur, sondyqtan jeńiske jetýimiz tıis», - deıdi bas bapker.
Jalpy Qazaqstannyń kásipqoı boks quramasynda 15 boksshy bar. 5 salmaq dárejesiniń árbirinde 3 boksshydan jasaqtaldy.
