Josparlanǵan áleýmettik-ekonomıkalyq kórsetkishterge qol jetkizý kerek – Úkimet basshysy
«Halyqaralyq qarjy ınstıtýttary álemdik ekonomıkanyń ósim boljamdaryn 2 esege jýyq azaıtty. Alaıda, syrtqy faktorlarǵa qaramastan, biz makroekonomıkalyq turaqtylyqty saqtap qana qoımaı, ekonomıkanyń ósý qarqynyn qamtamasyz etýimiz kerek. Bazalyq salalardy sapaly damytýǵa barynsha kóńil bólý qajet. Árbir mınıstr, óńir ákimi jáne ulttyq holdıngter men kompanııalardyń basshylary eńbek kiristerin ósirý, sapaly jumys oryndaryn qurý esebinen azamattardyń ál-aýqatyn arttyrý jóninde belsendi sharalar qabyldaýy tıis», - dedi Álıhan Smaıylov.
Premer-Mınıstr qarjylyq tártipti kúsheıtý mańyzdy ekendigin basa aıtty.
«Bıýdjettik baǵdarlamalardyń birqatar ákimshileri bıýdjet qarajatyn ıgermegen. Bıýdjet parametrleriniń saqtalýyn jáne qarajattyń tıimdi bólinýin qamtamasyz etý qajet. Turǵyn úı-kommýnaldyq sharýashylyq ınfraqurylymyn jóndeý jáne rekonstrýktsııalaý boıynsha josparlanǵan ınvestıtsııalyq is-sharalardyń oryndalýy erekshe baqylaýda bolýy tıis. Áleýmettik-ekonomıkalyq damýdyń barlyq josparlanǵan kórsetkishterine qol jetkizý kerek», - dedi Úkimet basshysy.
