Joshy ulysyna 800 jyl: Bektenov Ulytaýdaǵy tarıhı-mádenı keshende boldy
ULYTAÝ. KAZINFORM - Premer-Mınıstr Oljas Bektenov Ulytaý oblysyna jumys sapary aıasynda Memleket basshysynyń tapsyrmasymen 2021 jyly salynǵan «Joshy han» tarıhı-mádenı keshenine bardy. Bıyl Joshy ulysynyń qurylǵanyna 800 jyl toldy.
Oljas Bektenov kesene mańynda ornalasqan tarıhı-mádenı keshenniń jaı-kúıimen tanysty, onda Joshy han eskertkishi, shatyrly qalashyq jáne týrısterge arnalǵan qonaq úı bar.
Keshen Altyn Ordanyń 750 jyldyǵy aıasynda Prezıdenttiń tapsyrmasy boıynsha salynǵan.
Nysan ashylǵaly beri elimizdiń óńirlerinen, alys jáne jaqyn shetelderden 35 myńnan astam týrıst kelgen.
«Memleket basshysy Ulttyq quryltaıda sóılegen sózinde Joshy ulysy Qazaqstannyń memlekettigi tarıhynda mańyzdy oryn alatynyn atap ótti. Keshenniń mańyzyn eskere otyryp ınfraqurylymdy odan ári damytý jáne týrıstik áleýetti jaqsartý úshin barlyq sharalardy qabyldaý qajet», — dep atap ótti Oljas Bektenov.
