Joshy hannyń 800 jyldyǵyna arnalǵan ekspedıtsııa Túrkistanǵa jetti
TÚRKІSTAN. KAZINFORM - Joshy hannyń 800 jyldyǵyna oraı ótip jatqan «Talas-Ulytaý-Saraıshyq» baǵytyndaǵy respýblıkalyq tarıhı-etnografııalyq ekspedıtsııasy Túrkistanǵa jetti.
Qazaq handyǵynyń astany, Uly Jibek jolynyń ortalyǵy bolǵan qasıetti mekenge arnaıy at basyn burǵan top aldymen Otyrar qalashyǵynda boldy. Olar ondaǵy zertteý jumystaryn júrgizip jatqan arheolog mamandarmen suhbattasyp, óńirdiń tarıhyna jiti toqtaldy.
Odan soń ekpedıtsııalyq top Túrkistan qalasyndaǵy Qoja Ahmet ıAssaýı kesenesi jáne mańyndaǵy tarıhı eskertkishterdi aralap, olardyń tarıhymen tereńirek tanysty. Sondaı-aq, jańa Túrkistannyń kelbetine aınalǵan «Kerýen saraı» keshenin de aralap, qala aýmaǵyndaǵy atqarylǵan jumystarmen tanysty.
Óńirdegi birqatar nysandardy aralaǵan top Qyzylorda qalasyna qaraı jolǵa shyǵyp, jol boıynda Qypshaq handyǵy men qazaq handyǵynyń astanasy bolǵan Syǵanaq qalashyǵyna toqtady. Onda Qyzylorda oblystyq tarıhı-ólketaný mýzeıiniń ǵalym hatshysy Ashat Saılaý Syǵanaq qalashynyń tarıhymen, arheologııalyq qazba jumystary júrgizilip jatqan jerlermen tanystyrdy. Ary qaraı ekspedıtsııa Qyzylordada jalǵasyn tappaq.
