Joshy han serıaly qaı sheteldik platformada kórsetiledi
ASTANA. KAZINFORM — Joshy han serıaly qaı sheteldik platformada kórsetiletini naqtylanǵan joq. Bul týraly Mádenıet jáne aqparat mınıstrliginen málim etti.
— Memleket basshysynyń V Ulttyq quryltaı otyrysynda jarııalaǵan málimetke sáıkes, Joshy han týraly kóp serııaly jobany ázirleý jumystary 2026 jyldyń kókteminde aıaqtalýǵa tıis. Sondaı-aq fılmniń premerasyn halyqaralyq platformalarda usyný baǵyty aıqyndalǵan. Qazirgi ýaqytta kórsetilim alańdary boıynsha uıymdastyrýshylyq jáne kelisý jumystary júrgizilip jatyr. Premera ótetin naqty platformalar jónindegi aqparat tıisti kelisimder aıaqtalǵannan keıin qosymsha habarlanatyn bolady, — dedi mınıstrlikten agenttiktiń resmı saýalyna oraı.
Aıta keteıik, Prezıdent Qyzylordada ótken quryltaıda Joshy han týraly serıal Altyn Orda brendin jer júzine dáripteýge yqpal etetinin aıtqan edi.