Josaly kóli men Medeý qoqys tastaıtyn orynǵa aınalyp barady - Prezıdent
ALMATY. QazAqparat – QR Prezıdenti Qasym-Jomart Toqaev Almaty qalasynyń jáne shahar mańyndaǵy demalys jáne týrızm oryndarynyń sanıtarlyq jaǵdaıyna nazar aýdardy, dep habarlaıdy QazAqparat tilshisi.
«Áleýmettik jelilerge júrgizilgen monıtorıng pen azamattardyń ótinishterin taldaý kezinde qalanyń demalys jáne týrızm aımaqtarynyń sanıtarlyq jaǵdaıy máz emes ekeni anyqtaldy...Úlken Almaty kóli (Josaly kóli), Medeý jáne basqa da demalys oryndaryna qoqys tastaý ádettegi jaǵdaıǵa aınaldy. Tek aǵymdaǵy jyldyń ózinde ákimdik 86 qaýipti qoqys alańyn anyqtady, onyń 55-i áli joıylǵan joq», - dedi Memleket basshysy Almaty qalasyn damytý máseleleri jónindegi keńeste.
Prezıdent sondaı-aq atalǵan jaǵdaılarǵa baılanysty ákimdikke tapsyrma berdi.
«Ákimdikke Ekologııa jáne geologııa, tabıǵı resýrstar mınıstrligimen birlesip, týrıstik nysandardyń lastanýyn boldyrmaýǵa jáne qoqys oryndaryn joıýǵa arnalǵan sharalar qabyldaýdy tapsyramyn. Qaldyqtardy qaıta óńdeýdi uıymdastyrý kerek, búginde Almatyda bul tek 11%-dy quraıdy. Qalada qoqysty qaıta óńdeıtin zamanaýı kásiporyndar joq», - dedi Qazaqstan Prezıdenti.
