JOO úzdik oqytýshysy konkýrsyna qujat qabyldaý bastaldy

ASTANA. QazAqparat – «Joǵary oqý ornynyń úzdik oqytýshysy» respýblıkalyq konkýrsyna qatysý úshin qujat qabaldaý bastaldy. Bul týraly QazAqparat Ǵylym jáne joǵary bilim mınıstrliginiń resmı saıtyna silteme jasap habarlaıdy.

Baıqaýǵa qatysý úshin qujattar 1-10 qarasha aralyǵynda qabyldanady. Jeńimpazǵa 6 mıllıon teńgeden astam syıaqy beriledi.

Konýrsqa joǵary oqý oryndarynyń shtattaǵy oqytýshylary qatysa alady. Olardyń keminde 5 jyl úzdiksiz ǵylymı-pedagogıkalyq ótili, oqytýshylyq jáne ǵylymı qyzmette joǵary jetistikteri bolýy tıis. Ótinimder men qujattar aqparattyq júıe arqyly elektrondyq formatta qabyldanady.

Aıta keteıik, atalǵan baıqaý 2 kezeńnen turady. ıAǵnı, ol aldymen joǵary oqý ornynyń ishinde, keıin respýblıkalyq deńgeıde ótedi.

Joǵary oqý oryndarynyń qyzmetkerleri men professorlyq-oqytýshylar quramynan turatyn sarapshylar toby úmitkerdiń oqytý sapasy jáne ǵylymı-zertteý qyzmeti baǵyttary boıynsha baǵalaıdy. Saraptaý tobynyń qorytyndysy negizinde JOO komıssııasy konkýrsqa qatysýshylardyń ekinshi, respýblıkalyq kezeńge qatysýy týraly sheshim shyǵarady. Al respýblıkalyq deńgeıde qurylǵan komıssııa quramyna úkimettik emes uıymdar, BAQ, stýdenttik jáne jastar uıymdarynyń, JOO qaýymdastyqtarynyń ókilderi men sarapshylar enedi.