JOO túlekteriniń 70 paıyzyn jumysqa ornalastyrýǵa mindettelmek

NUR-SULTAN. QazAqparat – QR Premer-Mınıstriniń orynbasary Eraly Toǵjanov Eńbek jáne halyqty áleýmettik qorǵaý mınıstrliniń keńeıtilgen alqa májilisinde joǵary oqý oryndaryn túlekterdi jumyspen qamtýǵa mindetteý týraly tapsyrma berdi, dep habarlaıdy QazAqparat tilshisi.

«Joǵary oqý oryndarynyń janynan túlekterdi jumysqa ornalastyrýmen aınalysatyn mansap ortalyqtaryn ashýdy tapsyramyn. Bizdiń maqsatymyz – kem degende túlekterdiń 70 paıyzyn jumysqa turǵyzý», - dedi vıtse-Premer.

Sondaı-aq ol «Baqytty otbasy» jobasyn búkil óńirlerge taratýdy tapsyrdy.

«Baqytty otbasy» jobasyn kópbalaly jáne múmkindigi shekteýli bala baǵyp otyrǵan analardy qoldaý jáne jetekteý ortalyǵy retinde damytýdy tapsyramyn. Mundaı jobalar qazir Nur-Sultan qalasynda, Pavlodar, Qaraǵandy oblystarynda iske asyrylyp jatyr. Sonyń basyn biriktirip, muqııat qarastyrý kerek. Ortasha esep jasap kórdik. Bul bizge jyl saıyn bkiúl óńirlerde 20 myń kópbalaly anany jumysqa ornalastyrýǵa múmkindik beredi», - dedi Eraly Toǵjanov.