JOO túlekteriniń 30 paıyzdan astamy óz mamandyǵy boıynsha jumys taba almaıdy
Jol mamandyǵyn meńgerý úshin qaıda baryp oqý kerek, jalpy elimizdegi joldar qalaı salynady. Bul týraly Astanadaǵy Nazarbaev Zııatkerlik mektebiniń joǵary synyp oqýshylaryna Jol aktıvteriniń ulttyq sapa ortalyǵy Bas dırektory Zamır Saǵynov aıtyp berdi.
Oqý-aǵartý mınıstrliginiń málimeti boıynsha, qazaqstandyq joǵary oqý oryndaryn bitirgen túlekterdiń 30 paıyzdan astamy óz mamandyǵy boıynsha jumys taba almaıdy. Onyń bir sebebi – eńbek naryǵynyń tendentsııalary týraly aqparattyń joqtyǵy.
«Memleket tehnıkalyq jáne jaratylystaný mamandyqtaryna granttardy kóbirek bóledi (2022-2023 jyldarǵa 17 794 grant Injenerlik, óńdeý jáne qurylys salalaryna bólindi)», - dedi Z.Saǵynov.
Zoom konferents-baılanysy arqyly oqýshylar JAUSO synaq zerthanalarynda jol qurylys materıaldarynyń sapasyna saraptama qalaı júrgiziletinin kóre aldy. Sondaı-aq balalarǵa qala jaǵdaıynda da, dala jaǵdaıynda da jol dıagnostıkasyn júrgizýge múmkindik beretin jyljymaly jol zerthanasy kórsetildi.
Bir sózben aıtqanda, NZM oqýshylary jol qurylysy mamandyǵynyń artyqshylyqtaryn, jol salasyndaǵy kadr tapshylyǵy, jas mamandardyń jumysqa ornalasý múmkindikteri men mansaptyq ósý perspektıvalary týraly bildi. Bul kezdesýdi ótkizý JAUSO mektepterdegi jol mamandyqtary boıynsha kásiptik baǵdar berý «2000 mektep» aktsııasyn júzege asyrýdyń bir bóligi bolyp tabylady.
