JOO túlekteri memlekettik qyzmetti tómengi laýazymnan ǵana bastaıdy
ASTANA. QazAqparat - JOO-ny támamdaǵan jas mamandar memlekettik qyzmetti ashyq konkýrspen ótip, tek tómengi laýazymnan ǵana bastaıdy. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Memlekettik qyzmet isteri mınıstrliginiń jaýapty hatshysy Saıan Ahmetjanov málim etti.
«Jumysqa jańadan kelgen azamattar memlekettik qyzmetke tek eń tómengi ákimshilik laýzymnan bastaıdy, konkýrstyq irikteýmen ǵana taǵaıyndalady. Ary qaraı onyń mansaby memlekettik qyzmet satysynda birtindep, tájirıbe jınaǵanyna jáne bilimine sáıkes kelesi laýazymnyń biliktilik talaptaryna qaraı konkýrsqa qatysyp, osyndaı irikteýmen jáne konkýrstyq ashyq taǵaıyndaýmen ǵana joǵarylaıdy»,-dedi S. Ahmetjanov.
Onyń sózine qaraǵanda, bıyl joǵary oqý ornyn támamdaǵan jas mamandar ashyq konkýrs arqyly tek tómengi laýazymnan ǵana memlekettik qyzmetin bastaıtyn bolady.
