«JOO-nyń úzdik oqytýshysy» baıqaýynyń erejesine qandaı ózgeris engiziledi

NUR-SULTAN. QazAqparat – QR Bilim jáne ǵylym mınıstrligi joǵary jáne joǵary oqý ornynan keıingi bilim departamentiniń dırektory Ádilet Toıbaev «JOO-nyń úzdik oqytýshysy» baıqaýy erejesine engiziletin ózgeristerdi atady, dep habarlaıdy QazAqparat tilshisi.

«JOO-nyń úzdik oqytýshysy» baıqaýy erejesine engiziletin ózgertýler jaıly qysqasha toqtalýǵa ruqsat etseńiz. Atalǵan normatıvtik qoldanystaǵy qujat 2015 jyly qabyldanyp, oqtyn-oqtyn ózgerister engizildi. Biraq, sol ýaqyttan beri ol túbegeıli ózgeriske ushyraǵan joq. Grant mólsheri - 2 myń AEK. Bul jobany qarjylandyrý 01 bıýdjettik baǵdarlamasy aıasynda júzege asyrylady. Osy jyldardyń ishinde joǵary oqý oryndarynyń 3 myńnan astam oqytýshysy ataq aldy. Biraq, bul jerde belgili bir kemshilikter bar. Eń aldymen atalǵan konkýrsty ótkizýdiń, onyń ishine JOO kezeńin ótkizýdiń ashyqtyǵyna qatysty», - dedi Ádilet Toıbaev mınıstrliktiń apparat jınalysynda.

Onyń atap ótýinshe, respýblıkalyq deńgeıde apellıatsııaǵa berý múmkindigi, baıqaý aıasynda qoldanylatyn kórsetkishterdi esepteý ádistemesi, JOO málimetter bazasymen ıntegratsııalaýdy tsıfrlandyrý joq.

Bul baıqaý qatysýshylaryna teris aqparattar usynýǵa jol ashady.

«Bıyl baıqaýdy tsıfrlyq formatta uıymdastyrý jáne ótkizý usynylady. Baıqaýǵa qujattardy berý JOO men respýblıkalyq kezeńde aqparattyq júıe arqyly bolady. JOO kezeńi QR Bilim jáne ǵylym mınıstrliginiń aqparattyq júıesi arqyly júzege asyrylady. Qujattardy saraptaý úshin buǵan deıin sarapshylar toby issaparǵa shyǵatyn. Endi munyń barlyǵy tsıfrlyq formatta ótedi», - dedi Ádilet Toıbaev.