JOO-nyń úzdik oqytýshysy ataǵyna 200 úmitker irikteldi - QR BǴM
ASTANA. 22 qańtar. QazAqparat - Astanada QR Bilim jáne ǵylym mınıstri Aslan Sárinjipovtiń tóraǵalyǵymen «JOO-nyń úzdik oqytýshysy» baıqaýy komıssııasynyń otyrysy ótti. Bul týraly mınıstrliktiń baspasóz qyzmetinen habarlady.
Baıqaý talaptaryna sáıkes júrgizilgen irikteý barysynda eldiń 63 joǵary oqý oryndarynyń 200 oqytýshysy tańdalyp alyndy. Jalpy 2013 jyly atalǵan baıqaýǵa 92 JOO-lardan 500-den astam ustaz qatysqan bolatyn. Іrikteý eki kezeńnen ótti - joǵary oqý orny ishinde jáne respýblıkalyq deńgeıde. «Búgin biz respýblıkalyq baıqaýdyń jeńimpazdaryn anyqtaý boıynsha talqylaýlardy aıaqtadyq. Barlyq úmitkerlerdiń ótinishteri táýelsiz sarapshylarmen eki márte pysyqtaldy», - dep atap ótti mınıstr. Jeńimpazdardyń qatarynda ártúrli saladaǵy ǵylym doktorlary - 46 paıyzdy, ǵylym kandıdattary 50 paıyzdy qurap otyr. QR BǴM habarlaýynsha, atalmysh granttar oqytýshylarǵa shetel ýnıversıtetterinde tájirıbeden ótýge, jańa jobalardy iske asyrýǵa múmkindik beredi.
