«JOO-nyń úzdik oqytýshysy - 2011» memlekettik grantynyń ıegerleri anyqtaldy
ASTANA. 22 aqpan. QazAqparat - Búgin Astanadaǵy Qazaq ulttyq óner ýnıversıtetinde jeńimpaz atanǵan ustazdarǵa «Joǵarǵy oqý ornynyń úzdik oqytýshysy - 2011» memlekettik granttaryn tapsyrý saltanaty ótti.
Bıyl respýblıkanyń 55 joǵarǵy oqý ornynan 200 oqytýshy atalǵan memlekettik granttyń ıegeri atanyp otyr. Konkýrs bastalǵannan beri jeńimpaz atanǵan ustazdardyń qatarynda professorlar men ǵylym doktorlarynyń kóbeıgendigi baıqalady. Búginde olardyń úlesi 73 paıyzǵa deıin jetti.
Jalpy, bıylǵy konkýrsqa 83 joǵary oqý ornynan 600-den astam úmitker qatysty. Olardyń tek 200-i ǵana «Joǵarǵy oqý ornynyń úzdik oqytýshysy» memlekettik grantynyń ıegeri atandy. Ár granttyń jalpy somasy 3,2 mln. teńge. Bul aqshaǵa konkýrs jeńimpazdary ózderiniń ǵylymı jumystaryn ári qaraı jalǵastyryp, sheteldiń mańdaıaldy ýnıversıtetterinen tájirıbe jınaqtaı alady.
