JOO-lardyń stýdentteri 2-shi kýrstan bastap mindetti túrde óndiristik tájirıbeden ótedi
ASTANA. QazAqparat - Joǵary oqý oryndarynyń stýdentteri 2-shi kýrstan bastap mindetti túrde óndiristik tájirıbeden ótedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bilim jáne ǵylym vıtse-mınıstri Tahır Balyqbaev aıtty.
Joǵary oqý oryndaryndaǵy stýdentterdiń praktıkalyq daıyndyǵy úlken máselelerdiń biri bolyp otyrǵanyn basa aıtqan ol: «Sol sebepti ekinshi kýrstan bastap mindetti túrde óndiristik tájirıbeden ótýdi bekitý usynylyp otyr. Bul tájirıbeni tek qana óndiristik eńbekpen ǵana bekitý emes. Sonymen birge bizdiń óndiristerde sony ótýdiń jáne arnaıy kelisimshart jasaýdyń erejeleri keńinen bekitiletin bolady», dedi.
Onyń sózine qaraǵanda, erekshe mártebesi bar joǵary oqý oryndarynyń jumys isteýiniń ereshe rejimi qarastyrylýda.
Aıta keteıik, búgin Úkimet otyrysynda «Qazaqstan Respýblıkasynyń keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly» zań jobasy talqylanǵan bolatyn.
