JOO-lardyń 2010 jylǵy eń úzdik oqýtýshylaryn marapattaý rásimi ótedi
ALMATY. 10 aqpan. QazAqparat /Erbol Azanbek/ - Aqpannyń 12-si kúni Qurmanǵazy atyndaǵy Qazaq Ulttyq konservatorııasynyń Úlken kontsert zalynda Joǵary oqý oryndarynyń 2010 jylǵy eń úzdik oqytýshylaryn saltanatty túrde marapattaý rásimi ótedi.
Esterińizge sala keteıik atalmysh konkýrsqa 86 oqý ornynan 1000 úmitker qatysty. Bulardyń arasynan 42 joǵarǵy oqý ornynyń 200 oqytýshysy grant ıegeri atanǵan edi. Baıqaýǵa qatysqandardyń 68 paıyzy - ǵylym doktorlary men professorlary, qalǵandary ǵylym kandıdattary men PhD doktoranttar. Grant ıegerleri sheteldik ýnıversıtetterde: Ulybrıtanııa, Germanııa, Frantsııa, Italııa, Ispanııa, Belgııa, Polsha, Chehııa, Vengrııa, Shvetsııa, Avstrııa, Bolgarııa, Lıtva, Latvııa, Reseıde tájirıbelik ótilimnen ótýge múmkindik alady.
Sondaı-aq, grant ıegerleri bir jyl kóleminde shetelge ǵylymı taqyryptary tóńireginde halyqaralyq jáne respýblıkalyq konferentsııalar, sımpozıým, kongress, semınarlarǵa qatysa alady.
