JOO-lardy qysqartý kezinde qarsylyq tanytatyndar bar - B. Jumaǵulov
ASTANA. 23 tamyz. QazAqparat - Biz sapasyz bilim beretin joǵary oqý oryndaryn qysqartý jumysyn jalǵastyratyn bolamyz. Bul týraly búgin Tamyz konferentsııasynyń plenarlyq májilisinde QR Bilim jáne ǵylym mınıstri Baqytjan Jumaǵulov málim etti.
«Shyny kerek, qazir bul jumysqa qarsylyq tanytatyndar bar. Alaıda biz bárimiz (pedagogtar - avt.) birigip, osy isimizdi jalǵastyrýymyz qajet. Árbir ata-ana sapasyz bilim beretin oqý oryndar týraly bilýi tıis. Osy oraıda ýnıversıtetterdiń reıtıngisin de halyq arasynda keńinen taratý mańyzdy», - deıdi B. Jumaǵulov. Sondaı-aq syrttaı bilim berý máselesine de basa nazar aýdarǵan jón. Sebebi qazir elimizde ýnıversıtet túlekteriniń basym bóligi oqýdy syrttaı bólimde bitirip shyqqan. Mınıstrlik bul máseleni de erekshe baqylaýda ustaýǵa múddeli.
