JOO-lardy qysqartý boıynsha sot daý-damaılary bastaldy - vıtse-mınıstr
ASTANA. 9 sáýir. QazAqparat -Jekelegen óńirlerde joǵary oqý oryndaryn qysqartý boıynsha sot protsesteri bastalyp ketti.
Bul týraly «QazAqparat» tilshisine suhbat bergen QR Bilim jáne ǵylym vıtse-mınıstri Saıat Shaıahmetov málim etti.
«Búginde elimizdegi joǵary oqý oryndaryn qysqartý jumystary árqalaı júrgizilýde. Bir jerde sot daý-damaılary bolyp jatsa, endi bir jerde quryltaıshylar men ýnıversıtet basshylyǵymen kelissózder bastaldy. Bul jumystyń naqty qaı ýaqytta aıaqtalatyndyǵy belgisiz. Alaıda ol uzaqqa sozylmaıdy. Sebebi mınıstrlikke tıisti tapsyrmalar berildi. Biz sonyń aıasynda jumys isteıtin bolamyz», - dep atap kórsetti S.Shaıahmetov.
