JOO-larda oqý uzaqtyǵy qysqarady
ASTANA. KAZINFORM – Ǵylym jáne joǵary bilim mınıstrligi Úkimetke joǵary oqý oryndarynda oqý uzaqtyǵyn qysqartýǵa qatysty usynys engizdi. Bul týraly Úkimet otyrysynan keıingi baspasóz máslıhatynda atalǵan vedomstvo basshysy Saıasat Nurbek aıtty.
- 4 jyl uzaq sanalatyn belgili bir mamandyqtar bar. Shynymen de ІT, jasandy ıntellekt syndy mamandyqtardy oqý mazmuny tym ózgeredi. Sondyqtan da qazirgi ýaqytta biz Úkimetke qoldanbaly bakalavrıat formatynda joǵary oqý oryndarynda oqýdyń qysqarǵan formasyn usyndyq. Qazirgi ýaqytta kolledjderde pılottyq formatta iske qosamyz. Stýdent kolledjden qoldanbaly formatta naqty mamandyq alyp shyǵady. Bakalavrıat deńgeıi sanalady. Biraq, onyń mazmuny da, oqý protsesi de qysqa, - dedi mınıstr.
Saıasat Nurbek joǵary oqý oryndarynda oqý uzaqtyǵy qysqartylyp, jańa formaty paıda bolatyn naqtylaı tústi.
- Oǵan qajetti normatıvtiń baza qazirdiń ózinde daıyn. Pılottyq jobany testileýden ótkizdik, - dedi ol.
Aıta keteıik, bıyl jasandy ıntellekt ýnıversıteti stýdentterdi oqytýdy bastaıdy.
