JOO-larda Qazaqstannyń jemqorlyqqa qarsy kúres saıasaty oqytylady

ASTANA. QazAqparat - Joǵary oqý oryndarynda «Quqyq negizderi» pánine Qazaqstannyń jemqorlyqqa qarsy kúres saıasaty bólimi engiziledi. Bul týraly QR Bilim jáne ǵylym mınıstrligi JOO jáne JOO-dan keıingi bilim berý departamenti dırektorynyń mindetin atqarýshy Serik Ómirbaev málim etti.

Onyń aıtýynsha, atalmysh ózgerister «Nur Otan» partııasynyń 2015-2025 jyldarǵa arnalǵan jemqorlyqqa qarsy kúres baǵdarlamasynyń jáne QR-nyń 2015-2017 jyldarǵa arnalǵan jemqorlyqqa qarsy kúres strategııasyn oryndaý aıasynda engizilmek.

«Osyǵan oraı, respýblıkalyq oqý-ádistemelik keńestiń sheshimimen 2015 jylǵy shilde aıynda barlyq JOO-lar úshin «Quqyq negizderi» pániniń jańa tıptik baǵdarlamasy men «Jemqorlyqqa qarsy kúres» oqý-ádistemelik quraly bekitildi.

Jańa tıptik baǵdarlamaǵa «QR jemqorlyqqa qarsy kúres saıasaty» bólimi engizildi. Onda jemqorlyqtyń, jemqorlyqqa qarsy kúres qyzmetiniń, antıjemqorlyq etıkasy jáne «Máńgilik el» ıdeologııasy aıasyndaǵy qazaqstandyq qoǵam mádenıetiniń pozıtsııalary syndy jaıttar kirgen», - dedi ol.