JOO-larda aqyly oqý baǵasy grant qunynan aspaýy tıis – Saıasat Nurbek

ASTANA. KAZINFORM – Joǵary oqý oryndarynda aqyly oqýǵa tólenetin qarjy memlekettik bilim granty qunynan aspaýy tıis. Bul týraly Úkimet otyrysynan keıingi brıfıngide Ǵylym jáne joǵary bilim mınıstri Saıasat Nurbek aıtty.

Mınıstr bıyl bakalavrıat, magıstratýra, doktorantýrany eseptegende 93 myńnan astam grant, onyń ishinde 77 myńnan astam grant bakalavrıatqa bólingenin, konkýrs qorytyndysy boıynsha granttar 99 paıyz kóleminde ıgerilgenin aıtty.

– Oqý aqysyna keler bolsaq, barlyq memlekettik joǵary oqý ornyndaǵy baǵany ustap otyrmyz. Jekemenshik joǵary oqý oryndarymen baılanystamyz. Qarasańyzdar, óńirlerde ótken jyly 7-10 paıyzǵa deıin ǵana ósti. Qazirgi tańdaǵy mınıstrlik ustanymy - aqyly qyzmetter grant qunynan aspaýy tıis. Sondyqtan óńirlik ýnıversıtetterde 560-690 myń shamasynda ustap turmyz. Bul másele mınıstrlik baqylaýynda, - dedi Saıasat Nurbek BAQ ókilderiniń saýalyna oraı.

Saıasat Nurbektiń atap ótýinshe, bıyl UBT-ǵa 210 myńnan astam talapker qatysty. Onyń ishinde 160 myń adam nemese 76 paıyzy shekti baldy eńserdi.