JOO-lar úshin akademııalyq adaldyq kodeksin engizý kerek - Shpekbaev
ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi joǵary oqý oryndary úshin akademııalyq adaldyq kodeksin engizýdi usynyp otyr, dep xabarlaıdy QazAqparat tilshisi.
Agenttik tóraǵasynyń orynbary Alık Shpekbaevtyń aıtýynsha, atalǵan kodeksin ázirlegende Almatydaǵy "Narxoz" ýnıversıteti engizgen júıeni negizge alý qajet. "Ýnıversıtet basshylyǵyna Kshıshtov Rybınskıdiń kelýimen oqý protsesiniń biryńǵaı júıesi jáne taǵy basqa zańsyz aqsha alýǵa múmkindik bermeıtin sharalar qolǵa alyndy. Plagıatqa tyıym salyndy. Basqarýdyń tıimdi úlgisi engizildi. Al kafedra meńgerýshileri men dekandar qol astyndaǵy qyzmetkerleriniń para alǵany úshin óz basymen jaýap beredi. Árıne, oqytýshylardyń jalaqysy da kóterildi", - deıdi Shpekbaev.
Onyń aıtýynsha, stýdentterge qyzmet kórsetýdiń ashyq ári ádil júıesi bolýy shart. Osy oraıda Ál-Farabı atyndaǵy Qazaq ulttyq ýnıversıtetiniń tájirıbesin qoldanyp, stýdentterge qyzmet kórsetý ortalyqtaryn ashýǵa bolady. Búginde ondaı ortalyqtar "Narxoz", Qazaq gýmanıtarlyq zań ýnıversıteti sııaqty joǵary oqý oryndarda bar.
Aıta keteıik, bilim salasyndaǵy jemqorlyq máselelerine arnalǵan búgingi otyrysta Alık Jatqambaıuly akademııalyq ádildigi joǵary, ıaǵnı sybaılas jemqorlyqty barynsha azaıtqan joǵary oqý oryndaryn da jarııalady .
