JOO-lar men ǵylymı zertteý ınstıtýttary 500-den astam bilim baǵdarlamasyn ázirleıdi
Aýqymdy sharaǵa QR Bilim jáne ǵylym mınıstri Ashat Aımaǵambetov, ál-Farabı atyndaǵy QazUÝ-dyń rektory Janseıit Túımebaev, QR BǴM ǴK Fılosofııa, saıasattaný jáne dintaný ınstıtýtynyń bas dırektory Serik Seıdýmanov jáne ózge de joǵary oqý oryndary, ǵylymı-zertteý ınstıtýttarynyń basshylary men ǵylymı qoǵamdastyq ókilderi qatysty.
QR Bilim jáne ǵylym mınıstri Ashat Aımaǵambetovtyń aıtýynsha, búgingi kúni elimizdegi búkil ǵylymı ınstıtýttar men joǵary oqý oryndarynyń birlesken jumysyn júrgizý mindeti tur,
«Álemdik tájirıbe kórsetip otyrǵandaı, kóshbasshy elder bilim men ǵylymdy tıimdi biriktire aldy. Qazaqstanda da mundaı tájirıbe bar, bizdiń birqatar ǵylymı uıymdar joǵary oqý oryndarymen ózara tabysty jumys isteýde. Mysaly, ál-Farabı atyndaǵy Qazaq ulttyq ýnıversıteti men Bıologııalyq qaýipsizdik problemalary ınstıtýty vırýsologııa boıynsha jańa bilim baǵdarlamasyn ázirledi, birlesken dıssertatsııalyq keńes ashyp, kadr daıarlaýdy bastap ketti. Bizdiń aldymyzda elimizdegi barlyq ǵylymı ınstıtýttar men joǵary oqý oryndarynyń birlesken jumysyn júrgizý mindeti tur, osy maqsatta búgin yntymaqtastyq týraly memorandýmdarǵa qol qoıylady», – dedi ol.
Mınıstr bıyl joǵary oqý oryndary men ǵylymı-zertteý ınstıtýttary maman daıyndaýǵa qajetti 500-den astam bilim baǵdarlamasyn ázirleıtinin aıtty.
Bul ǵylymı zertteý nátıjelerin bilim berý baǵdarlamalarynda paıdalanýǵa múmkindik beredi.
Sondaı-aq stýdenttermen sońǵy ǵylymı jetistiktermen bólisý maqsatynda ǵylymı-zertteý ınstıtýttarynyń 300-den astam ǵalymy joǵary oqý oryndarynda dáris oqý, sabaq berý, ǵylymı jumystar men dıssertatsııalarǵa jetekshilik etip, retsenzııa jazý jumystaryna tartylady.
Budan bólek, birlese maman daıyndaý úshin ǵylymı-zertteý ınstıtýttarynyń zerthanalary magıstranttar men doktoranttarǵa, al oqý oryndarynyń zerthanalary ınstıtýt qyzmetkerlerine qoljetimdi bolady.
«Olar Ulttyq ıadrolyq ortalyq, ıAdrolyq fızıka ınstıtýty, Ulttyq bıotehnologııa ortalyǵy, Bıologııalyq qaýipsizdik ınstıtýty jáne taǵy da basqa biregeı ǵylymı zerthanalarda jumys istep, taǵylymdamadan óte alady.Sonymen qatar 100-den astam dıssertatsııalyq keńes qurý josparlanǵan. Jalpy, bilim men ǵylym ıntegratsııasy kúsheıtilip, ǵylymı-zertteý qyzmetiniń nátıjelerin kommertsııalandyrý tetigi jandanady»,- dedi Ashat Aımaǵambetov.
Sondaı-aq forým aıasynda ýnıversıtetter men ǵylymı-zertteý ınstıtýttary arasynda bilim jáne ǵylym yqpaldastyǵyn nyǵaıtý týraly kelisimderge saltanatty túrde qol qoıý rásimi ótti.
Ál-Farabı atyndaǵy QazUÝ «Ǵylym ordasy» respýblıkalyq memlekettik kásiporny jáne 16 ǵylymı-zertteý ınstıtýtymen yntymaqtastyq týraly kelisimshart jasasty.
Olardyń qatarynda Shoqan Ýálıhanov atyndaǵy tarıh jáne etnologııa ınstıtýty, Matematıka jáne matematıkalyq modeldeý ınstıtýty, Fılosofııa, saıasattaný jáne dintaný ınstıtýty, Ahmet Baıtursynov atyndaǵy til bilimi ınstıtýty jáne ózge de ǵylymı ınstıtýttar bar.
