JOO-lar adal básekelestik qana tıimdi bolatynyn jaqsy túsinip otyr - Talǵat Nárikbaev
Onyń aıtýynsha, qazirgi kezde joǵary oqý oryndary úshin akademııalyq ári basqarýshylyq derbestik jetkilikti bolyp tur. Osy oraıda barynsha tıimdi qadamdar men ádisterdi engizýge múmkindik bar.
«Sapa men akademııalyq adaldyq úshin kúresti bastaǵan kez kelgen JOO-lar adal básekelestik qana tıimdi bolatynyn jaqsy túsinip otyr. Adal básekelestik – ol bazalyq erejelerdi saqtaý jáne sapa standarttary men etıkalyq normalardy buzbaý degendi bildiredi. Eger memleket adal básekelestik úshin talaptardy qamtamasyz etpese, onda tártipsizdik oryn alady», - dedi T. Nárikbaev Bilim jáne ǵylym mınıstri Ashat Aımaǵambetovtiń joǵary oqý orny basshylarymen kezdesýi barysynda.
Osy oraıda ol buǵan deıin joǵary oqý oryndary tek tabys jasaý maqsatynda ashylǵan kezeń bolǵanyn aıtty. Bul óz kezeginde bilim sapasyna teris áser etedi.
«Osyndaı JOO-lar barlyq joǵary bilim salasy boıynsha qoǵamda jalpy teris pikirdi qalyptastyrady. Sondyqtan bul jaǵdaıdy shuǵyl túrde túzetý kerek, joǵar bilimde kiris tek joǵary bilimniń ózine jumsalýy tıis. ıAǵnı, oqý ornynda qolaıly jaǵdaı jasaý, ozyq tsıfrlyq sheshimderdi engizý, eńbekaqyny kóterý jáne basqa da negizgi máselelerge baǵyttalǵany durys», - dedi Talǵat Nárikbaev.
Onyń sózine qaraǵanda, oqý protsesi men bıznes protsesti tsıfrlandyrý únemi qarjylyq múmkindikterge baılanysty bola bermeıdi.
«Osy turǵyda bastapqyda sapaly ári tereń aýdıt pen hronometraj júrgizilse jetkilikti. Bul óz kezeginde JOO ishinde qandaı problemalar bar ekenin, qaı jerde nátıjeler burmalanatynyn túsinýge múmkindik beredi. Akademııalyq protsesterdi tsıfrlandyrýǵa qarsylyq tanytqandar kóbine ashyqtyq bolǵanyn qalamaıdy. Sebebi bilimdi baǵalaýdyń, ótinimdi qaraý men sheshim qabyldaýdyń árbir kezeńi barshasyna kórinip turady jáne bazada saqtalady», - dedi Talǵat Nárikbaev.
