JOO-lar 12 jyldyq bilim berýge pedagogtardy daıarlaýǵa daıyn emes - Májilis depýtaty

NUR-SULTAN. QazAqparat - Elimizdiń joǵary oqý oryndary 12 jyldyq bilim berý úshin pedagogtardy daıarlaýǵa daıyn emes. Bul týraly búgin "Nur Otan" partııasy alańyndaǵy "2016-2019 jyldarǵa arnalǵan bilim berý jáne ǵylymdy damytýdyń memlekettik baǵdarlamasyn" talqylaý barysynda Májilis depýtaty Ábdimanap Bekturǵanov aıtty, dep habarlaıdy QazAqparat tilshisi.

"Osy jyldar ishinde bilim berý salasyndaǵy reformalardy tereńdetý maqsatynda baǵdarlama bıýdjeti 445 mlrd teńgege ulǵaıtyldy. Alaıda, salanyń júıeli ári túbegeıli ózgerýiniń arqasynda jańa ulttyq bilim mádenıeti qalyptasty dep aıtýǵa áli erte. Osyǵan oraı sheshimin tappaǵan birneshe problamaǵa toqtalyp ótkim keledi. Mektepke deıingi bilim berý júıesi boıynsha eki másele sheshilýi qajet bolatyn. Birinshiden, 3-ten asqan balalardy qamtý. ıAǵnı, mınıstr aıtqandaı, bul kórsetkish 95,2 paıyzdy qurap otyr. Biraq, tek kezekte turǵan balalardyń ishinen qamtylǵandar ǵana. Al osy jastaǵy balalardyń jalpy sanynan esep júrgizetin bolsaq, onda balabaqshamen qamtý 73 paıyzǵa ǵana jetip otyr", - dedi depýtat.

Onyń atap ótýinshe, ekinshi másele mektepke deıingi bilim berý júıesiniń oqý ádistemesin engizip, balalardy mektepke daıarlaý máselesi bolatyn. Alaıda, bul túıtkil de óziniń sheshimin áli tapqan joq. Sondyqtan bilim berý men ǵylymdy damytýdyń jańa baǵdarlamasyn ázirleý barysynda úsh jastan asqan balalardy tolyq qamtý jáne balabaqshalardyń búgingi qyzmeti aıasynda mektepke daıarlyq jasaý fýnktsııasyn keńeıtý mindetin qoıý kerek. Sonda ǵana balabaqsha bilim salasynyń eń eleýli bastapqy býynyna aınalady.

Májilis depýtaty 12 jyldyq bilim berý júıesine kóshý máseleside áli sheshimin tappaǵanyn aıtty.

"Onyń merzimin birneshe ret aýystyryp otyrmyz. Bastapqyda 2019 jyl dedik, keıin 2020 jyl boldy, qazir 2021-2022 jyldary ótemiz dep belgilenýde. Sondyqtan joǵary oqý oryndary da 12 jyldyq úshin pedagogtardy tolyqqandy daıarlaýǵa daıyn emes dep oılaımyn", - dedi Ábdimanap Bekturǵanov.