JOO-ǵa zańsyz túsý ádisteri: Mınıstrlik óz ustanymyn bildirdi
Aıta keteıik, QR Memlekettik qyzmet isteri jáne sybaılas jemqorlyqqa qarsy kúres agenttiginiń Aqmola oblystyq departamenti qabyldaý komıssııalaryn jasyryn aralap, joǵary oqý oryndaryna zańsyz túsý ádisterin anyqtaǵan bolatyn. Oǵan sáıkes, 11-synyptan keıin bakalavrıatqa keshendi testti tapsyrmaı-aq túsýge bolady. Ol úshin shyǵarmashylyq mamandyqqa túsý kerek. Odan ary qaraı kez kelgen mamandyqqa aýysýǵa bolady.
QR Bilim jáne ǵylym vıtse-mınıstri Asxat Aımaǵambetov atalǵan aqparatty joqa shyǵardy. «Qazaqstandaǵy joǵary oqý oryndarǵa ulttyq biryńǵaı testileý arqyly túsýge bolady. Ol - bir. Ekinshiden, keshendi test bar. Iá, keıbir mamandyqtar boıynsha shyǵarmashylyq emtıxan tapsyrý qajet. Degenmen, sonyń ózinde adamdar eki pán boıynsha mindetti túrde keshendi testten ótýi tıis. Máselen, deneshynyqtyrý, alǵashqy áskerı daıyndyq nemese basqa da shyǵarmashylyq mamandyq bolsa, olar eki test jáne eki shyǵarmashylyq emtıxan tapsyrady. Sonyń qorytyndysy boıynsha ýnıversıtetke túsedi. Sondyqtan bizde joǵary oqý ornyna test tapsyrmaı túsý degen múldem joq», - dedi A.Aımaǵambetov Úkimet úıinde ótken baspasóz máslıxatynda.
Vıtse-mınıstr bastaýysh synyptarda jumys dápterin satyp alýǵa qatysty túsinik de berdi.
Foto: kyzylorda-news.kz