JOO-dan keıin bilimniń bilim berý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalary ózgerdi

***

«Joǵary oqý ornynan keıingi bilimniń bilim berý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 19 qańtardaǵy № 109 qaýlysyna ózgerister men tolyqtyrýlar engizý týraly

Qazaqstan Respýblıkasy Úkimetiniń 2018 jylǵy 11 maýsymdaǵy № 335 qaýlysy

      Qazaqstan Respýblıkasynyń Úkimeti QAÝLY ETEDІ:

      1. "Joǵary oqý ornynan keıingi bilimniń bilim berý baǵdarlamalaryniske asyratyn bilim berý uıymdaryna oqýǵa qabyldaýdyń úlgilik qaǵıdalaryn bekitý týraly" Qazaqstan Respýblıkasy Úkimetiniń 2012 jylǵy 19 qańtardaǵy № 109 qaýlysyna(Qazaqstan Respýblıkasynyń PÚAJ-y, 2012 j., № 26, 361-qujat) mynadaı ózgerister men tolyqtyrýlar engizilsin:

      kórsetilgen qaýlymen bekitilgen Joǵary oqý ornynan keıingi bilimniń bilim berý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalarynda:

      7-tarmaq mynadaı redaktsııada jazylsyn:

      "7. JOO magıstratýrasyna, doktorantýrasyna, JOO-lar men ǵylymı uıymdardyń rezıdentýrasyna túsýshilerdiń ótinishterin qabyldaý 3 - 31 shilde aralyǵynda júrgiziledi.

      Magıstratýraǵa, rezıdentýraǵa, doktorantýraǵa shet tili boıynsha túsý emtıhandary - 10 - 15 tamyz aralyǵynda, mamandyq boıynsha - 16 - 20 tamyz aralyǵynda, qabyldaý 25 tamyzǵa deıin júrgiziledi.

      Oqytý aǵylshyn tilinde júrgiziletin beıindi magıstratýrada bilim alý úshin keshendi testileý 10 - 15 tamyz aralyǵynda júrgiziledi.";

      11-tarmaq mynadaı redaktsııada jazylsyn:

      "11. Doktorantýraǵa keminde 1 jyl eńbek ótili jáne "magıstr" dárejesi bar nemese medıtsına mamandyqtary boıynsha rezıdentýrada oqýyn bitirgen jáne keminde 3 jyl eńbek ótili bar adamdar qabyldanady.";

      13-tarmaqtyń 2) tarmaqshasy mynadaı mazmundaǵy abzatspen tolyqtyrylsyn:

      "Ǵylymı-pedagogıkalyq magıstratýraǵa, onyń ishinde oqytý aǵylshyn tilinde júrgiziletin magıstratýraǵa túsýshi adamdar, sondaı-aq oqýǵa daıyndyǵyn anyqtaýǵa arnalǵan qazaq nemese orys tilindegi (tańdaý boıynsha) test pen mamandyq boıynsha aǵylshyn tilindegi testiden turatyn keshendi testileý tapsyra alady.

      Oqytý aǵylshyn tilinde júrgiziletin beıindi magıstratýraǵa túsýshi adamdar oqýǵa daıyndyǵyn anyqtaýǵa arnalǵan qazaq nemese orys tilindegi (tańdaý boıynsha) test pen mamandyq boıynsha aǵylshyn tilindegi testiden turatyn keshendi testileý tapsyrady.";

      13-1-tarmaqta:

      birinshi abzats mynadaı redaktsııada jazylsyn:

      "13-1. Magıstratýraǵa, rezıdentýraǵa, doktorantýraǵa shet tili boıynsha túsý emtıhanyn ǵylymı-pedagogıkalyq magıstratýrada oqý úshin, onyń ishinde oqytý aǵylshyn tilinde júrgiziletin magıstratýrada jáne beıindi magıstratýrada oqý úshin keshendi testileýdi Qazaqstan Respýblıkasy Bilim jáne ǵylym mınıstrliginiń Ulttyq testileý ortalyǵy (budan ári - UTO) júrgizedi.";

      mynadaı mazmundaǵy ekinshi bólikpen tolyqtyrylsyn:

      "Shet tili boıynsha túsý emtıhanynyń, ǵylymı-pedagogıkalyq magıstratýrada oqý úshin, onyń ishinde oqytý aǵylshyn tilinde júrgiziletin magıstratýrada, jáne oqytý aǵylshyn tilinde júrgiziletin beıindi magıstratýrada oqý úshin keshendi testileýdiń nátıjesi boıynsha sertıfıkat beriledi.";

      14-tarmaq mynadaı mazmundaǵy besinshi bólikpen tolyqtyrylsyn:

      "Bul rette JOO-nyń qabyldaý komıssııasy usynylatyn sertıfıkattardyń túpnusqalyǵyn tekseredi.";

      19-tarmaq mynadaı redaktsııada jazylsyn:

      "19. Shet tili boıynsha túsý emtıhandary jáne ǵylymı-pedagogıkalyq magıstratýrada oqý úshin, onyń ishinde oqytý aǵylshyn tilinde júrgiziletin magıstratýrada jáne oqytý aǵylshyn tilinde júrgiziletin beıindi magıstratýrada oqý úshin keshendi testileý UTO ázirlegen tehnologııa boıynsha ótkiziledi.";

      21-tarmaq mynadaı redaktsııada jazylsyn:

      "21. Shet tili boıynsha túsý emtıhandary jáne ǵylymı-pedagogıkalyq magıstratýrada oqý úshin, onyń ishinde oqytý aǵylshyn tilinde júrgiziletin magıstratýrada jáne oqytý aǵylshyn tilinde júrgiziletin beıindi magıstratýrada oqý úshin keshendi testileý bilim berý salasyndaǵy ýákiletti organ belgileıtin túsý emtıhandaryn qabyldaý pýnktterinde ótkiziledi.";

      24-tarmaqtyń úshinshi jáne tórtinshi bólikteri mynadaı redaktsııada jazylsyn:

      "Apellıatsııalyq komıssııa shet tili boıynsha túsý emtıhandary jáne ǵylymı-pedagogıkalyq magıstratýrada bilim alý úshin, onyń ishinde oqytý aǵylshyn tilinde júrgiziletin magıstratýrada jáne oqytý aǵylshyn tilinde júrgiziletin beıindi magıstratýrada oqý úshin keshendi testileý boıynsha apellıatsııany qaraý nátıjelerin respýblıkalyq apellıatsııalyq komıssııaǵa jiberedi.

      Respýblıkalyq apellıatsııalyq komıssııa apellıatsııalyq komıssııa usynysynyń negizdiligin qaraıdy jáne apellıatsııalyq komıssııanyń usynysy kelip túskennen keıin bir kún ishinde shet tili boıynsha túsý emtıhandarynyń nemese ǵylymı-pedagogıkalyq magıstratýrada oqý úshin, onyń ishinde oqytý aǵylshyn tilinde júrgiziletin magıstratýrada jáne oqytý aǵylshyn tilinde júrgiziletin beıindi magıstratýrada oqý úshin keshendi testileý nátıjelerin apellıatsııaǵa bergen adamǵa baldar qosý týraly sheshim qabyldaıdy.";

      28-1-tarmaq mynadaı redaktsııada jazylsyn:

      "28-1. Magıstratýraǵa, rezıdentýraǵa, doktorantýraǵa adamdardy qabyldaý túsý emtıhandarynyń nemese ǵylymı-pedagogıkalyq magıstratýrada, onyń ishinde oqytý aǵylshyn tilinde júrgiziletin magıstratýrada nemese oqytý aǵylshyn tilinde júrgiziletin beıindi magıstratýrada oqý úshin keshendi testileý qorytyndylary boıynsha mynadaı ball jınaǵan jaǵdaıda júzege asyrylady:

      osy Qaǵıdalarǵa 1-qosymshaǵa sáıkes ǵylymı-pedagogıkalyq magıstratýraǵa jáne doktorantýraǵa shet tili boıynsha - keminde 50 ball jáne mamandyǵy boıynsha - keminde 50 ball, al beıindi magıstratýraǵa, rezıdentýraǵa shet tili boıynsha - keminde 30 ball jáne mamandyǵy boıynsha - keminde 50 ball;

      osy Qaǵıdalarǵa 2-qosymshaǵa sáıkes ǵylymı-pedagogıkalyq magıstratýrada, onyń ishinde oqytý aǵylshyn tilinde júrgiziletin magıstratýrada jáne aǵylshyn tilinde beıindi magıstratýrada oqý úshin - keminde 19 ball, onyń ishinde oqýǵa daıyndyǵyn anyqtaýǵa arnalǵan test boıynsha - keminde 5 ball, mamandyq boıynsha: bir durys jaýap tańdaý boıynsha - keminde 6 ball, bir nemese birneshe durys jaýap tańdaý boıynsha - keminde 8 ball.";

      29-1-tarmaq alyp tastalsyn;

      mynadaı mazmundaǵy 31-1-tarmaqpen tolyqtyrylsyn:

      "31-1. Ǵylymı-pedagogıkalyq magıstratýraǵa, onyń ishinde oqytý aǵylshyn tilinde júrgiziletin jáne oqytý aǵylshyn tilinde júrgiziletin beıindi magıstratýraǵa túsýshiler memlekettik bilim berý tapsyrysy boıynsha konkýrsqa qatysý úshin 17 tamyzǵa deıin JOO-ǵa ótinish, bilimi týraly qujatyn (túpnusqa), keshendi testileý sertıfıkatyn jáne jeke basyn kýálandyratyn qujattyń kóshirmesin tapsyrady. Ótinishte túsýshi bilim berý salasyndaǵy ýákiletti organ bekitken tizbedegi mamandyq pen JOO-ny kórsetedi.

      Ǵylymı-pedagogıkalyq magıstratýraǵa, onyń ishinde oqytý aǵylshyn tilinde júrgiziletin jáne oqytý aǵylshyn tilinde júrgiziletin beıindi magıstratýraǵa memlekettik bilim berý tapsyrysy boıynsha oqýǵa arnalǵan konkýrsty 22 tamyzǵa deıin bilim berý salasyndaǵy ýákiletti organ quratyn Respýblıkalyq konkýrstyq komıssııa mamandyqtar bólinisinde ótkizedi.

      Respýblıkalyq konkýrstyq komıssııa bilim berý salasyndaǵy ýákiletti organnyń, basqa da múddeli memlekettik organdar men vedomstvolardyń qyzmetkerlerinen, azamattyq qoǵam ınstıtýttarynyń, Qazaqstan Respýblıkasynyń "Atameken" Ulttyq kásipkerler palatasy ókilderinen, JOO-lar basshylarynan qurylady.

      Respýblıkalyq konkýrstyq komıssııanyń tóraǵasy bilim berý salasyndaǵy ýákiletti organnyń basshysy nemese onyń mindetin atqarýshy adam bolyp tabylady.

      Respýblıkalyq konkýrstyq komıssııa músheleriniń sany taq sandy quraýy tıis. Respýblıkalyq konkýrstyq komıssııanyń otyrystary quramynyń keminde úshten ekisi bolǵan jaǵdaıda zańdy bolyp tabylady.

      Respýblıkalyq konkýrstyq komıssııanyń ǵylymı-pedagogıkalyq magıstratýraǵa, onyń ishinde oqytý aǵylshyn tilinde júrgiziletin jáne oqytý aǵylshyn tilinde júrgiziletin beıindi magıstratýraǵa memlekettik bilim berý tapsyrysy boıynsha oqýǵa úmitkerlerdi irikteý boıynsha jumysy úshin UTO mamandyqtar men JOO-lar bólinisinde úmitkerlerdiń derekter qoryn daıyndaıdy.

      Ǵylymı-pedagogıkalyq magıstratýrada, onyń ishinde oqytý aǵylshyn tilinde júrgiziletin jáne oqytý aǵylshyn tilinde júrgiziletin beıindi magıstratýrada oqý úshin memlekettik bilim berý tapsyrysy boıynsha oryndar keshendi testileý sertıfıkatynyń baldary negizinde beriledi. Keshendi testileý nátıjeleriniń kórsetkishteri birdeı bolǵan jaǵdaıda, basym quqyq mamandyq boıynsha testileýden eń joǵary baǵa alǵan tulǵaǵa beriledi. Sodan keıin oqýǵa daıyndyǵyn aıqyndaýǵa arnalǵan testiniń nátıjeleri, budan ári - dıplomǵa qosymshadaǵy GPA (Grade Point Average - Greıt Poınt Evereıdj) (aldyńǵy bilim deńgeıi) jáne jumys ótili eskeriledi.

      Memlekettik bilim berý tapsyrysy boıynsha bos oryndar konkýrstyq komıssııanyń sheshimi negizinde joǵary ótý balymen eńbek naryǵynda qajetti basqa mamandyqtarǵa taǵaıyndalady.

      Respýblıkalyq konkýrstyq komıssııasy sheshiminiń negizinde bilim berý salasyndaǵy ýákiletti organnyń buıryǵy shyǵarylady.";

      mynadaı mazmundaǵy 31-2-tarmaqpen tolyqtyrylsyn:

      "31-2. Memlekettik bilim berý tapsyrysy boıynsha oqýǵa túsken magıstranttarmen jáne doktoranttarmen oqýdy bitirgennen keıin keminde úsh jyl jumyspen óteý týraly shart jasalady.";

      mynadaı mazmundaǵy 31-3-tarmaqpen tolyqtyrylsyn:

      "31-3. Jergilikti bıýdjet qarajaty esebinen memlekettik bilim berý tapsyrysy boıynsha oqýǵa arnalǵan konkýrsty tıisti oblys jáne (nemese) respýblıkalyq mańyzy bar qala, astana ákiminiń sheshimimen qurylatyn jergilikti atqarýshy organdardyń konkýrstyq komıssııasy ótkizedi.

      Jergilikti atqarýshy organdardyń konkýrstyq komıssııasy jergilikti atqarýshy organdardyń qyzmetkerleri qatarynan, oblystardyń (respýblıkalyq mańyzdylyǵy bar qalanyń, astananyń) "Atameken" óńirlik kásipkerler palatasy fılıaldarynyń, azamattyq qoǵam ınstıtýttarynyń ókilderinen quralady.

      Jergilikti atqarýshy organdardyń konkýrstyq komıssııa músheleriniń sany taq sandy qurýǵa tıis. Jergilikti atqarýshy organdardyń konkýrstyq komıssııasynyń otyrysy quramynyń keminde úshten ekisi bolǵan jaǵdaıda zańdy dep esepteledi jáne 25 tamyzǵa deıin ótkiziledi.

      Jergilikti atqarýshy organdardyń konkýrstyq komıssııasynyń tóraǵasy tıisti oblystyń nemese respýblıkalyq mańyzy bar qalanyń, astananyń ákimi nemese ákimniń orynbasary bolyp tabylady.

      Jergilikti atqarýshy organdardyń konkýrstyq komıssııasy týraly ereje tıisti oblys nemese respýblıkalyq mańyzy bar qala, astana ákimdiginiń qaýlysymen bekitiledi.

      Memlekettik bilim berý tapsyrysy óńirlerdegi joǵary oqý ornynan keıingi bilimi bar kadrlardyń qajettigi eskerile otyryp bólinedi.

      JAO óńirdiń qajettiligin eskere otyryp, mamandyqtar bólinisinde oryndar sanyn jáne oqytylatyn adamdar sanatyn konkýrstyq komıssııanyń sheshimimen derbes anyqtaıdy.

      Jergilikti bıýdjet qarajaty esebinen memlekettik bilim berý tapsyrysy boıynsha konkýrsqa qatysý úshin túsýshiler JOO-ǵa 23 tamyzǵa deıin ótinish berip, bilimi týraly qujattyń kóshirmesin, shet tili boıynsha túsý emtıhanynyń sertıfıkatyn nemese osy Qaǵıdalardyń 14-tarmaǵynda kórsetilgen (bar bolǵan jaǵdaıda) baǵdarlamalar boıynsha test tapsyrý týraly sertıfıkattyń kóshirmesin, baly kórsetilgen mamandyǵy boıynsha túsý emtıhanyn tapsyrǵany týraly úzindini, eńbek kitapshasyn, jeke basyn kýálandyratyn qujattyń kóshirmesin tapsyrady.

      Memlekettik bilim berý tapsyrysyna konkýrs:

      1) mamandyq boıynsha túsý emtıhanynyń balyna;

      2) shet tili boıynsha túsý emtıhany sertıfıkatyna sáıkes balyna nemese osy Qaǵıdalardyń 14-tarmaǵynda kórsetilgen (bar bolǵan jaǵdaıda) baǵdarlamalar boıynsha test tapsyrý týraly sertıfıkattyń baldaryna sáıkes júrgiziledi.

       Jergilikti bıýdjet qarajaty esebinen memlekettik bilim berý tapsyrysy berilgen jaǵdaıda ákimdiktiń, magıstranttyń/doktoranttyń jáne JOO-nyń arasynda úshjaqty shart jasalady.

      Jergilikti bıýdjet qarajaty esebinen bilim berý tapsyrysy boıynsha oqýǵa túsken azamattar joǵary oqý ornyn bitirgennen keıin keminde úsh jyl jergilikti atqarýshy organnyń joldamasy boıynsha óńirde jumyspen óteýge mindetti.":

      kórsetilgen Qaǵıdalarǵa 2-qosymsha osy qaýlyǵa qosymshaǵa sáıkes jańa redaktsııada jazylsyn. 

      2. Osy qaýly alǵashqy resmı jarııalanǵan kúninen bastap qoldanysqa engiziledi.

100-baldyq baǵalaý júıesiniń shákili