JOO-da aqyly oqımyn degen túlekter tamyzda ótetin UBT-ǵa qatysa alady

NUR-SULTAN. QazAqparat - Bıylǵy tamyz aıyndaǵy UBT-ǵa tirkelý app.testcenter.kz saıtynda 25-30 shilde aralyǵynda júrgiziledi. Testileýdiń ózi 10-13 tamyz aralyǵynda ótedi, dep habarlaıdy QazAqparat.

Ulttyq testileý ortalyǵy bul UBT-ǵa kimder qatysa alatynyn jarııalady.

Olar:

- óz qalaýymen JOO-da aqyly negizde oqyǵysy keletin orta bilim uıymdarynyń bıylǵy bitirýshileri;

- JOO-da aqyly oqyǵysy keletin orta bilim uıymdarynyń ótken jylǵy bitirýshileri men tehnıkalyq jáne kásiptik nemese orta bilimnen keıingi bilim uıymdarynyń bitirýshileri;

- JOO-da aqyly negizde oqımyn deıtin shetelde bilim alǵan Qazaqstan azamaty emes ulty qazaq adamdar;

- JOO-ǵa kúndizgi oqý bólimine aqyly negizde qabyldanatyn UBT nátıjesi boıynsha shekti ball almaǵan, UBT nátıjesi joıylǵan, beıindi pánder kombınatsııasy sáıkes kelmeıtin UBT nátıjesi bar tulǵalar;

- JOO-ǵa aqyly negizde shyǵarmashylyq daıyndyqty talap etetin bilim baǵdarlamalary toby boıynsha bilim alýshy jáne basqa bilim baǵdarlamalary tobyna aýysýǵa nıet bildirgender;

- JOO-ǵa aqyly negizde basqa bilim baǵdarlamalary toby boıynsha bilim alýshy jáne «pedagogıkalyq ǵylymdar» salasy boıynsha bilim baǵdarlamalary tobyna aýysýǵa nıet bildirgender.

Testileýge qatysý quny – 4 230 teńge.

Testilenýshiler UBT-ǵa tirkelý kezinde testileý ótetin ORYNDY, KÚNDІ jáne ÝAQYTTY óz erkimen tańdaıdy.

Negizgi UBT-ǵa qatysqan test tapsyrýshylar tamyz aıyndaǵy UBT-da basqa beıindik pánder kombınatsııasyn tańdaı alady.