JOO bitirýshileriniń jumysqa ornalasý kórsetkishi 10 paıyzǵa artty - A.Sárinjipov
ASTANA. QazAqparat - Úkimettiń qolǵa alǵan jumystary nátıjesinde joǵary oqý oryndary bitirýshileriniń jumysqa ornalasý kórsetkishi 10 paıyzǵa artty. Búgin QR Parlamenti Májilisindegi «Tehnıkalyq jáne kásiptik, joǵary bilim berý júıesinde ekonomıka salalary úshin kadrlar daıarlaýdyń sapasy men perspektıvalary týraly» parlamenttik tyńdaý barysynda QR Bilim jáne ǵylym mınıstri Aslan Sárinjipov osylaı dep aıtty.
«Búginde 130 JOO men 849 kolledjde mıllıonnan astam adam bilim alýda. Jyl saıyn 300 myń túlek eńbek naryǵyna shyǵady. Olardyń kópshiligi, ıaǵnı 80 paıyzy joǵary oqý ornynan keıin, 70 paıyzy kolledjden keıin kásipteri boıynsha alǵashqy jyly jumysqa ornalasady», - dedi ol. Mınıstrdiń atap ótýinshe, sońǵy 3 jylda tehnıkalyq jáne kásiptik bilim berýge arnalǵan bıýdjet qarajaty 2 esege deıin ulǵaıdy. Kolledjderdegi sheberhanalardy jabdyqtaýǵa arnalǵan qarajat 6 esege ósti. Dýaldy oqytý júıesi engizilýde. «Zamanaýı oqý oryndary men basqarýdyń jańa modelderi qurylýda. Nátıjesinde bitirýshilerdi mamandyqtary boıynsha jumysqa ornalastyrý kórsetkishi 10 paıyzǵa artty», - ded A.Sárinjipov. Onyń sózine qaraǵanda, sońǵy 2 jyldyń ishinde joǵary bilim berý salasyn qarjylandyrý 20 paıyzǵa artyp otyr. Joǵary oqý oryndary jelisin ońtaılandyrý nátıjesinde olardyń sany 16-ǵa azaıdy. 2013 jyly 9 JOO halyqaralyq reıtıngke endi. Al olardy ǵylymyn qarjylandyrý kólemi 7 esege artty. «Osylaısha kásiptik bilim berý júıesi ekonomıka úshin kadrlar daıarlaýdaǵy óz mindetin oryndaýda», - dedi ol.
