JOO bitirgen jastardy jumysqa ornalastyrý máselesimen aınalyspaqpyz - Qazaqstan isker áıelderi qaýymdastyǵy
«Bizdiń joba úsh maqsatty topty qamtyp otyr. Osy oraıda joǵary oqý ornyn támamdaǵannan keıin eńbek ótiliniń bolmaýyna baılanysty jumysqa ornalasa almaı júrgen jastar máselesine nazar aýdarylady. Bul jastarǵa osy tusta qıynǵa soǵatyna belgili jáne buǵan oqýdy bitirgen jas mamandar kináli emes. ıAǵnı, otandyq joǵary oqý oryndarynan jaqsy bilim alyp shyqqandarmen qatar, «Bolashaq» baǵdarlamasy arqyly oqyp kelgenderdiń arasynda qyzmetke ornalasa almaı júrgender bar»,- dedi R.Sársembaeva.
Onyń sózine qaraǵanda, qaýymdastyq tarapynan atalǵan máselelerdiń sebepteri anyqtalyp, jastardyń tıisti tájirıbıeden ótýine múmkindik jasalmaq.
«Biz ótkizgeli otyrǵan saýalnama osy baǵyttaǵy máselelerdiń mán-jaıyn anyqtaýǵa kómektesedi. Bundaı problemalar tek bizdiń elimizde ǵana emes, sonymen qatar búkil álemde kezdesetini málim. Degenmen, memleketimizde aıtarlyqtaı aýqymdy baǵdarlamalar júzege asyrylýda, sondyqtan onyń áleýeti jastardy jumyspen qamtýǵa jetkilikti», - dep túıdi tóraıym.
Aıta keteıik, Densaýlyq saqtaý jáne áleýmettik damý mınıstrliginiń qoldaýymen Qazaqstan isker áıelderi qaýymdastyǵy áıelderdiń áleýmettik-eńbek aıasyndaǵy quqyqtary men «Jumyspen qamtýdyń jol kartasy-2020» baǵdarlamasyna qatysý múmkindikteri týraly aqparattandyrý deńgeıin kóterýge, jeke iskerlikpen aınalysý men jumysqa ornalasý arqyly elimizdegi áıelderdiń áleýmettik ahýalyn jaqsartýǵa baǵyttalǵan «Áleýmettik eńbek aıasynda áıelder arasynda aqparattyq túsindirý jumysy» atty jobany qolǵa alyp otyr.