JOO baǵdarlamasyna «Adam quqyqtarynyń negizi» pánin engizý usynyldy

ASTANA. KAZINFORM - Adam quqyqtary jónindegi komıssııa joǵary bilim alýǵa azamattardyń konstıtýtsııalyq quqyqtaryn talqylady. Onda joǵary oqý oryndarynyń baǵdarlamalaryna «Adam quqyqtarynyń negizi» pánin engizý kerek degen usynys aıtyldy., dep habarlaıdy QR Ǵylym jáne joǵary bilim mınıstrligi.

2024 jylǵy 7 maýsymda Igor Rogovtyń tóraǵalyǵymen QR Prezıdenti janyndaǵy Adam quqyqtary jónindegi komıssııanyń joǵary bilim alýǵa azamattardyń konstıtýtsııalyq quqyqtaryn talqylaýǵa, joǵary bilim berý uıymdary usynatyn bilim berý qyzmetteriniń joǵary sapasyn qamtamasyzetý jóninde talqylaýǵa arnalǵan otyrysy ótti.

Komıssııa jumysyna memlekettik organdardyń ókilderi, Qazaqstan Respýblıkasy Parlamentiniń depýtattary, ombýdsmender, halyqaralyq jáne úkimettik emes uıymdardyń, advokatýranyń, adam quqyqtaryn sottan tys qorǵaýdyń basqa ınstıtýttarynyń, bilim berý uıymdarynyń, jurtshylyk pen BAQ ókilderi katysty.

Saıasat Nurbek joǵary jáne joǵary oqý ornynan keıingi bilim berý júıesinin negizgi qorytyndylaryn tanystyrdy.

"Elimizde 120 joǵary oqý orny bar. Onda 650 myńǵa jýyq jas bilim alady. Aldaǵy jyldary stýdent sany ulǵaımasa, kemimeıtini anyq. Sondyqtan olarǵa sapaly bilim berip, áleýmettik jaǵdaıyn jaqsartý isinde esh kidiris bolmaýy shart", – dedi ǵylym jáne joǵary bilim mınıstri.

Qazaqstan Prezıdenti janyndaǵy Adam quqyqtary jónindegi komıssııa otyrysynda Joǵary oqý oryndarynyń baǵdarlamalaryna «Adam quqyqtarynyń negizi» pánin engizý kerek degen usynys aıtyldy.

Komıssııa tóraǵasy Igor Rogovtyń pikirinshe, bundaı pán stýdentterdiń quqyqtyq sanasy men quqyqtyq mádenıetin qalyptastyrýǵa sep bolmaq.